ફટાકડા બજારમાં મંદી, વડોદરામાં ફટાકડા સ્ટૉલ માટે હરાજીમાં મનપાને મળી માત્ર 7 અરજી

 કોરોનાના કારણે લગાવવામાં આવેલા લોકડાઉનની ધંધા રોજગાર પર અસર જોવા મળી રહી છે. વડોદરાના ફટાકડા બજાર પર પણ પણ લોકડાઉનની અસર જોવા મળી રહી છે. વડોદરામાં આગામી તહેવારને લઇ ફટાકડાના સ્ટૉલ ઉભા કરવા માટે વડોદરા મહાનગર પાલિકા દ્વારા અરજી મંગાવવામા આવી હતી. ઉલ્લેખનીય છે કે વડોદરા મ્યુનિસિપલ કોર્પોરેશન દ્વારા અરજદારો પાસેથી મંગાવવામાં આવેલી હરાજીની અરજીમાં કોર્પેરેશનને 64 સ્ટૉલ માટે માત્ર 7  ફટાકડા સ્ટૉલની અરજી મળી છે.માત્ર વડોદરા જ નહિ પરંતુ રાજકોટમાં પણ સ્થિતી સમાન છે, લોકડાઉનની અસર રાજકોટના ફટાકડા બજાર પર પણ જોવા મળી રહી છે.