VIDEO: ભાજપના આ નેતાની હોટલમાં ધમધમતું જુગારધામ ઝડપાયું, 15 લોકોની ધરપકડ

ભાજપના નેતા ભવાન ભરવાડની માલિકીની એક હોટલમાં ધમધમતું જુગારધામ ઝડપાયું છે. હોટલના માલિક ભવાન ભરવાડ હોવાથી રાજનીતિમાં પણ મુદ્દો ગરમાયો છે. ભવાન ભરવાડ ભાજપના દિગ્ગજ નેતા છે. ત્યારે પોલીસ દરોડા પાડીને તેમની માલિકીની હોટલમાંથી 15 લોકોની ધરપકડ કરી છે. અમદાવાદના સોલા વિસ્તારમાં ગોકુલ નામની હોટલ પર પોલીસની ટીમે દરોડા પાડવાની કામગીરી કરી હતી. જે દરમિયાન જુગાર રમી રહેલા 15 લોકોને રંગહાથ પોલીસે ઝડપી લીધા છે.

આ પણ વાંચોઃ VIDEO: 16 વર્ષની દિકરીનું દર્દ અને પોલીસે પૂરું કર્યું સપનું, રાજકોટ પોલીસની સરાહનીય કામગીરી

પોલીસને કેવી રીતે ખબર પડી કે આ હોટલમાં જુગારધામ ચાલી રહ્યો છે

ભગવાન જગન્નાથની રથયાત્રાને લઈ અમદાવાદ સહિત આસપાસના વિસ્તારમાં પોલીસ સતર્ક બની ચૂકી છે. આ દરમિયાન જ પોલીસને માહિતી મળી કે સોલા વિસ્તારની હોટલ ગોકુલમાં જુગારની પાટ જામી છે. માહિતી આધારે પોલીસ દરોડાની કામગીરી કરતા સમગ્ર ખેલ પરથી પર્દાફાશ થયો છે.