હવેથી કેટલાક ગુન્હાની તપાસ પોલીસ કોન્સ્ટેબલ કરશે, અત્યાર સુધી હેડકોન્સ્ટેબલથી ઉપરના હોદ્દાવાળા જ કરી શકતા હતા તપાસ

ગુજરાતમાં હવેથી પોલીસ કોન્સ્ટેબલ પણ પાંચ વર્ષ સુધીની સજા થઈ શકે તેવા ગુન્હાની તપાસ હાથ ધરશે. અત્યાર સુધી હેડકોન્સ્ટેબલ કે તેનાથી ઉપરનો હોદ્દો ધરાવનાર જ કોઈ પણ ગુન્હાની તપાસ કરી શકતા હતા. ગુજરાતમાં કેસનું ભારણ ઘટાડવા અને તપાસને વધુ ઝડપી બનાવવાના ભાગરૂપે ગૃહ વિભાગે આ મહત્વપૂર્ણ નિર્ણય કર્યો છે. આ નિર્ણયને પગલે, હવેથી એવા કોઈ પણ ગુન્હા હોય કે જેની સજા પાંચ વર્ષ કે પાંચ વર્ષથી ઓછી હોય તેવા ગુન્હાની તપાસ પોલીસ કોન્સ્ટેબલ કરી શકશે.