Gujarati NewsGujaratCoastal areas of gujarat are on high alert after arial strike by iaf
પાકિસ્તાન પર કરાયેલી એર સ્ટ્રાઈક બાદ વલસાડના દરિયાઈ પટ્ટા પર પોલીસનું સઘન ચેકિંગ
ભારતીય વાયુ સેના દ્વારા પાકિસ્તાન પર કરાયેલ એર સ્ટ્રાઈક બાદ દેશભર માં એલર્ટ આપવામાં આવ્યું છે. ત્યારે ગુજરાતના દરિયા કિનારા વિસ્તારો પણ એલર્ટ મોડ પર છે. વલસાડ જિલ્લાના ૭૦ કિલોમીટર દરિયા કિનારા પર પણ સઘન પેટ્રોલિંગ હાથ ધરવામાં આવી રહ્યું છે. વલસાડ, પારડી, ઉમરસાડી અને ઉમરગામના દરિયા કિનારા વિસ્તારોમાં એસઓજી અને સ્થાનિક પોલીસની ટીમોએ પેટ્રોલિંગ વધારી […]
Follow us on
ભારતીય વાયુ સેના દ્વારા પાકિસ્તાન પર કરાયેલ એર સ્ટ્રાઈક બાદ દેશભર માં એલર્ટ આપવામાં આવ્યું છે. ત્યારે ગુજરાતના દરિયા કિનારા વિસ્તારો પણ એલર્ટ મોડ પર છે.
વલસાડ જિલ્લાના ૭૦ કિલોમીટર દરિયા કિનારા પર પણ સઘન પેટ્રોલિંગ હાથ ધરવામાં આવી રહ્યું છે. વલસાડ, પારડી, ઉમરસાડી અને ઉમરગામના દરિયા કિનારા વિસ્તારોમાં એસઓજી અને સ્થાનિક પોલીસની ટીમોએ પેટ્રોલિંગ વધારી દીધું છે. પોલીસની ટીમે દરિયા કિનારા વિસ્તારના ગામોના લોકો અને માછીમારો સાથે મુલાકાત કરી અને જરૂરી સૂચનો અપાઈ રહ્યા છે.
ખાસ કરીને અહીં માછીમારોને સતર્ક કરવામાં આવી રહ્યા છે અને દરિયામાં કોઇ શંકાસ્પદ ગતિવિધિ જણાઈ તો કોસ્ટગાર્ડ કે સ્થાનિક પોલીસને જાણ કરવા સૂચના અપાઈ છે. ત્યારે માછીમારો પણ દેશની સુરક્ષામાં યોગદાન આપવા ની ખાતરી આપી રહ્યાં છે અને ૨૫ નોટિકલ માઈલ સુધી માછીમારી કરતા આ માછીમારો પોલીસની ત્રીજી આંખ બની દેશની સુરક્ષામાં યોગદાન આપવા તત્પર બન્યા છે.