Breaking News : રાજકોટમાં જૂની અદાવતમાં પાલતુ જર્મન શેફર્ડ શ્વાનથી હુમલો કરાવ્યો, યુવાન ગંભીર ઇજાગ્રસ્ત
Rajkot German Shepherd Attack : આ સમગ્ર ઘટનામાં માત્ર શ્વાન દ્વારા જ હુમલો કરવામાં આવ્યો હોવાનો મામલો નથી. ફરિયાદમાં કરવામાં આવેલા આક્ષેપ મુજબ, દિપ જાડેજાએ શ્વાનને બાંધવાની સાંકળ વડે પણ કિશન પર હુમલો કર્યો હતો. જેના કારણે મામલો વધુ ગંભીર બન્યો હતો.
Rajkot German Shepherd Attack : રાજકોટમાં જૂની અદાવતને લઈને પાલતુ શ્વાન દ્વારા હુમલો કરાવ્યાની ચોંકાવનારી ઘટના સામે આવી છે. શહેરના મવડી વિસ્તારમાં આવેલી અમરનગર સોસાયટીમાં પાલતુ જર્મન શેફર્ડ શ્વાન ( pet German Shepherd dog) દ્વારા એક વ્યક્તિ પર હુમલો કરવામાં આવ્યો હતો. આ ઘટનામાં કિશન મેવાડા નામનો યુવાન ગંભીર રીતે ઇજાગ્રસ્ત થતાં તેને સારવાર માટે હોસ્પિટલ ખસેડવામાં આવ્યો હતો.
જૂની અદાવતમાં શ્વાન પાસે હુમલો કરાવ્યાનો આક્ષેપ
મળતી માહિતી મુજબ, મવડી વિસ્તારમાં ગઈકાલે સાંજના સમયે કિશન મેવાડા ઉપર જર્મન શેફર્ડ શ્વાન દ્વારા હુમલો કરવામાં આવ્યો હતો. જૂની અદાવતના કારણે દિપ જાડેજા નામના શખ્સે પોતાના પાલતુ શ્વાન પાસે કિશન પર હુમલો કરાવ્યો હોવાનો આક્ષેપ કરવામાં આવ્યો છે.
હુમલા દરમિયાન જર્મન શેફર્ડ શ્વાને કિશનને શરીરના વિવિધ ભાગે બચકાં ભર્યા હતા. જેના કારણે તેને ગંભીર ઈજાઓ પહોંચી હતી. ઘટનાને પગલે આસપાસના લોકો એકત્ર થઈ ગયા હતા અને ઇજાગ્રસ્ત કિશનને સારવાર માટે હોસ્પિટલ પહોંચાડવામાં આવ્યો હતો.
શ્વાનની સાંકળ વડે પણ હુમલો કર્યાનો આક્ષેપ
આ સમગ્ર ઘટનામાં માત્ર શ્વાન દ્વારા જ હુમલો કરવામાં આવ્યો હોવાનો મામલો નથી. ફરિયાદમાં કરવામાં આવેલા આક્ષેપ મુજબ, દિપ જાડેજાએ શ્વાનને બાંધવાની સાંકળ વડે પણ કિશન પર હુમલો કર્યો હતો. જેના કારણે મામલો વધુ ગંભીર બન્યો હતો.
માલવિયાનગર પોલીસ સ્ટેશનમાં ફરિયાદ
ઘટના બાદ સમગ્ર મામલે માલવિયાનગર પોલીસ સ્ટેશનમાં ફરિયાદ નોંધાવવામાં આવી છે. પોલીસે ફરિયાદના આધારે વધુ તપાસ હાથ ધરી છે. જૂની અદાવતના કારણે હુમલો કરવામાં આવ્યો હતો કે કેમ અને સમગ્ર ઘટનામાં અન્ય કોઈ વ્યક્તિની સંડોવણી છે કે કેમ તે અંગે પણ પોલીસ તપાસ કરી રહી છે.
