
આવતીકાલે 8 માર્ચને રવિવારના રોજ અમદાવાદના નરેન્દ્રમોદી સ્ટેડિયમમાં ભારત અને ન્યૂઝીલેન્ડની T20 વર્લ્ડ કપની ફાઈનલ મેચ રમાવાની છે. જેને લઈને દેશભરમાં લોકોનો ઉત્સાહ જોવા મળી રહ્યો છે. દેશના અલગ અલગ રાજ્યમાંથી લોકો મેચ જોવા માટે અમદાવાદ પહોંચી રહ્યા છે. ત્યારે હવે આ મેચ જોવાની લોકોની આતુરતા વચ્ચે સ્ટેડિયમની બહાર બ્લેકમાં ટિકિટ વેચાતી હોવાનું સામે આવી રહ્યું છે.
T20 વર્લ્ડ કપ ભારત Vs ન્યૂઝીલેન્ડ ફાઇનલ મેચની ટિકિટને કાળાબજારી સામે આવી છે. મળતી માહિતી મુજબ બ્લેકમાં ટિકિટ વેચાઈ રહી હતી જે અંગે જાણ થતા તે ઈસમની ધરપકડ કરવામાં આવી છે. અહીં એક યુવક ઓનલાઇન ટિકિટ ખરીદીને સ્ટેડિયમ બહાર વધારે રુપિયા લઈ વેચાણ કરતો હતો.
અમદાવાદમાં આવતીકાલે રમાવા જઈ રહેલી મેચને લઈને ઘણા સમાચાર સામે આવી રહ્યા છે કે લોકો સ્ટેડિયમની બહાર ટિકિલ લેવા માટે પડાપડી કરી તો બીજી તરફ સ્ટેડિયમની બહાર આજથી જ જમાવડો કરીને બેઠા છે. ત્યારે લોકોના મેચ પ્રત્યેના ઉત્સાહને લઈને બ્લેકમાં હોય કે ગમે તે રીતે પણ તે મેચ જોવા માટે કોઈ પણ કિંમતે ટિકિટ લેવા માટે તૈયાર થઈ જતા હોય છે. ત્યારે આ જ વાતનો ફાયદો ઉઠાવીને અહીં ટિકિટની કાળાબજારી થઈ રહી હતી.
મળતી માહિતી મુજબ એક યુવકે ઓનલાઈન 2 હજારની ટિકિટ ખરીદી હતી જે સ્ટેડિયમની બહાર તે જ ટિકિટને 11 હજારમાં વેચતો જણાયો હતો. LCB ઝોન-2 પોલીસે તે યુવકની ધરપકડ કરીને હાલ તપાસ હાથ ધરી છે.
સમગ્ર મામલાને લઈને LCB પોલીસને બાતમી મળી હતી. જે બાદ ટીમે ગુપ્ત વોચ રાખીને પેટ્રોલિંગ કરી રહી હતી. આ દરમિયાન એક યુવક સ્ટેડિયમ પાસે ઓનલાઈન બુક કરેલી તેની ટિકિટને અત્યંત ઉંચા ભાવે વેચી રહ્યો છે. આ બાતમીના આધારે પોલીસે તાત્કાલિક પગલા લીધા અને તે યુવકને રંગેહાથે ઝડપીને વધુ તપાસ હાથ ધરી છે.
Published On - 1:23 pm, Sat, 7 March 26