2જી ઓક્ટોબરે તમે પણ હાથ ધોઈ નાખજો, કોરોનાથી રક્ષણ મેળવવા સર્જાઈ રહ્યા છે હાથ ધોવાનો રેકોર્ડ

સ્વચ્છ હાથ કેટલી બીમારીઓ ને દૂર રાખી શકે છે, તે આપણે બધા જ જાણીએ છીએ. પણ આ જાણકારી હોવા છતાં આજે પણ આપણા દેશમાં હાથ ધોવાની ટેવ લોકોની “ટેવ” નથી બની. યુનિસેફ ના આંકડા પણ કહે છે કે જમતા પહેલા, રાંધતી વખતે અને કુદરતી હાજતે ગયા પછી હાથ ધોવા બાબતે લોકોમાં ખૂબ ઓછી જાગૃતિ છે.

ત્યારે સુરતમાં શક્તિ ફાઉન્ડેશન અને મહિલા બાળ વિકાસ વિભાગ(ગુજરાત સરકાર)ના સંયુકત ઉપક્રમે 2જી ઓક્ટોબર ગાંધીજયંતીના દિવસે 53,029 આંગણવાડીઓમાં 5,30,290 મહિલાઓ સાથે WHO ની ગાઈડ લાઈન મુજબ 20 સેકન્ડ સુધી સતત હાથ ધોવાનો કાર્યક્રમ રાખવામાં આવ્યો છે.

ત્યારે કોરોના વાયરસની ચાલી રહેલી મહામારી વચ્ચે 2જી ઓક્ટોબરે હાથ ધોઈને એક વર્લ્ડ રેકોર્ડ બનાવવા જઇ રહ્યું છે. સમગ્ર કાર્યક્રમનો હેતુ કોરોના સામે સ્વચ્છતાનો સંદેશ આપવાનો છે.

એક સાથે આટલી મહિલાઓ પોતાના અને પરિવારના સ્વાસ્થય ની કાળજી માટે આગળ આવી રહી છે. આ સાડા પાંચ લાખ મહિલાઓ બીજી 25 લાખ મહિલાઓ સુધી સ્વચ્છતા નો સંદેશ પહોંચાડશે.

આ દિવસે 2 ગિનીઝ વર્લ્ડ બનશે અને ગુજરાત સરકાર ના મહિલા બાળ વિકાસ વિભાગની અદભૂત કામગીરી પણ સુવર્ણ અક્ષરે લખાશે.