અમદાવાદ(Ahmedabad)મ્યુનિસિપલ કોર્પોરેશનની સ્ટેન્ડિંગ કમિટીએ શહેરના વિકાસને લઇને મહત્વના નિર્ણય લીધા છે. જેમાં હવે શહેરમાં સોસાયટીઓ (societies) ના ડેવલોપમેન્ટ માટે સોસાયટીને કોર્પોરેટરની ગ્રાંટ માથી 10 ટકા ગ્રાંટ મળશે જ્યારે 70 ટકા રાજ્ય સરકાર અને 20 ટકા ધારાસભ્ય અથવા કોર્પોરેટર અને 10 ટકા કોર્પોરેશનની ગ્રાંટ મળશે. જેના લીધે હવે સોસાયટીની વિકાસ માટે વધુ ખર્ચ કરવાની જરૂર નહિ પડે.
આ અગાઉ માત્ર ધારાસભ્ય જ ગ્રાંટ આપી શકતા હતા. તેમજ હવે ઘારાસભ્ય અથવા કોર્પોરેટરની ગ્રાટ મેળવી શકાશે. જેનાથી સોસાયટીમા રોડ, લાઇટના થાંભલા, સીસીટીવી કેમેરા, પેવર બ્લોક, પાણી ડ્રેનેજના કામોમા તેનો ઉપયોગ કરી શકાશે.
આ ઉપરાંત ઉત્તર પશ્ચિમ ઝોનના બોડકદેવ વોર્ડમાં નવનિર્મિત કોમ્યુનિટી હોલ જાહેર જનતાના ઉપયોગ અર્થે મુકવા તથા દૈનિક ભાડાના દર નક્કી કરવાના કામને મંજૂરી આપવામાં આવી હતી. જયારે આરોગ્ય ખાતા સંચાલિત હેલ્થ સંસ્થાઓ તથા મ્યુ. જનરલ હોસ્પિટલોમાં સ્ટીલ ફર્નિચર ગ્રુપ, ઈન્જેક્શન ગ્રુપ, એનેસ્થેસીક ડ્રગ્સ ગ્રુપ અંગેની આઈટમો ખરીદીના અંદાજીત રૂા. ૧.૬૬ કરોડના કામોને મંજૂરી આપવામાં આવી હતી.
જ્યારે સ્ટેન્ડિંગ કમિટીએ અમદાવાદ શહેરમાં બાયોમાઇનીંગ પ્રોજેક્ટ, દબાણ હટાવવાની કામગીરી સહિતની જુદી જુદી કામગીરીઓ સારુ જરૂરી હેવી મશીનો-વાહનો ભાડે મેળવવાના કામને મંજૂરી આપવામાં આવી હતી. કમલા નહેરૂ પ્રાણીસંગ્રહાલય તથા નોક્ટરલ ઝૂ માં માંસભક્ષી પ્રાણીઓ, પક્ષીઓ તથા સરીસૃપોની ખોરાકી માટે વિવિધ પ્રકારના માંસ, મટન અને ઈંડા પૂરા પાડવાના કામને મંજૂરી આપવામાં આવી હતી.
આ ઉપરાંત અ.મ્યુ. કોર્પોરેશનના બગીચા ખાતા દ્વારા મધ્ય ઝોનના કામ માટે ટ્રેકટર વીથ ટ્રોલી લેબર સહિતનું કામ અને વીર સાવરકર રમત ગમત સંકુલની મીકેનાઈઝ્ડ તેમજ મેન્યુઅલ સફાઈ કામગીરી કરવા માટેના કામને મંજૂરી આપવામાં આવી.
આ પણ વાંચો : Work From Home ના ચક્કરમાં લોકોના પર્સનલ ડેટા લીક ! કંપનીઓને પણ થયુ મોટા પ્રમાણમાં નુક્સાન
આ પણ વાંચો : શું તમને ખબર છે તમારા કારણે, Google ને દર મીનિટે કેટલી કમાણી થાય છે ? જાણો અહીં
Published On - 7:25 pm, Thu, 29 July 21