Bhavnagar : હાય રે મોંઘવારી, પેટ્રોલમાં ભાવવધારાને લઇને શહેરીજનો ચિંતિત
ભાવનગર શહેરમાં આવેલા પેટ્રોલ પંપ પર એક લીટરનો ભાવ 100 રૂપિયાને પાર કરી જતા, લોકોને ભારે મુશ્કેલી આવનારા દિવસોમાં દેખાઈ રહી છે. આજે શહેરમાં પેટ્રોલ પમ્પો પર પેટ્રોલ પુરાવવા આવતા તમામ વ્યક્તિઓ સો રૂપિયાના ભાવે લિટર પેટ્રોલ પુરાવીને ભવિષ્યની ચિંતા કરતા જોવા મળી રહ્યા હતા.
Bhavnagar : સમગ્ર ગુજરાત સહિત ભાવનગર અને ગીર સોમનાથ આ બે જિલ્લાઓમાં પેટ્રોલના ભાવ 100ના આંકડાને પાર કરી ગયો છે. રાજ્યના ૮ મહાનગરોમાં સમાવિષ્ટ ભાવનગર શહેરમાં પણ આજે સૌ-પ્રથમ પેટ્રોલના ભાવ 1 લીટરના 100.22 જ્યારે ડીઝલ 98.38ને આંબી ગયા છે. જેને લઈને મોંઘવારીનો વધુ એક માર પ્રજા પર પડી રહ્યો છે.
ભાવનગર શહેરમાં આવેલા પેટ્રોલ પંપ પર એક લીટરનો ભાવ 100 રૂપિયાને પાર કરી જતા, લોકોને ભારે મુશ્કેલી આવનારા દિવસોમાં દેખાઈ રહી છે. આજે શહેરમાં પેટ્રોલ પમ્પો પર પેટ્રોલ પુરાવવા આવતા તમામ વ્યક્તિઓ સો રૂપિયાના ભાવે લિટર પેટ્રોલ પુરાવીને ભવિષ્યની ચિંતા કરતા જોવા મળી રહ્યા હતા. ભાવનગર શહેરમાં આવેલા તમામ પેટ્રોલ પેટ્રોલ પંપ પર ભાવવધારાથી સામાન્ય માણસ માટે અનેક સમસ્યાઓમાં લઇને આવ્યો છે.
રાજ્યના આઠ મહાનગરોમાં અચાનક સાદા પેટ્રોલનો 1 લીટરનો ભાવ રૂ 100ને પાર કરી જતાં લોકો સ્તબ્ધ થઈ ગયા છે. પેટ્રોલ ડિઝલના ભાવ વધારાની સીધી અસર સિંગતેલ, દૂધ-ઘી, શાકભાજી વગેરે જેવી જીવન જરૂરિયાતની ચીજોમાં ભાવ વધારાનો માર સહન કરી રહેલી ભાવનગરની જનતાને હવે પેટ્રોલના 1 લિટરના સૌથી વધુ ચૂકવવા પડશે. સાદા પેટ્રોલનો ભાવ 100ને વટી જતાં, અને હાલમાં જ્યારે કોરોનાનો કપરો કાળ ચાલી રહ્યો છે. ત્યારે લોકો આર્થિક, માનસિક અને શારીરિક ખૂબ જ યાતનામાંથી પસાર થઇ ગયા છે.
ત્યારે પેટ્રોલના ભાવ વધતા ટ્રાન્સપોર્ટેશનમાં ભાવ વધતા જેને લઇને ખાદ્ય ચીજવસ્તુઓમાં ભાવ વધતા મોંઘવારીનો ડામ હવે જનતા કોઈ પણ સંજોગોએ ભોગવી શકે તેમ નથી, ત્યારે આજે પેટ્રોલ પંપ પર પેટ્રોલ પુરાવતા લોકોએ સરકારને ભાવ કન્ટ્રોલ કરવા અપીલ કરી હતી.
કોરોનાકાળને લઈને અનેક લોકો બેરોજગાર થયા છે. વેપાર ધંધામાં મંદી છે અને અનેક સમસ્યાઓ સામે માણસ લડી રહ્યો છે. ત્યારે આવા ખરાબ સમયે મોંઘવારી માઝા મૂકતા અને પેટ્રોલ જેવી જીવન જરૂરિયાતની વસ્તુ કહી શકાય કે માણસને વાહન સિવાય આજના સમયમાં ડગલુ માંડી શકે તેમ નથી. એવા સમયે પેટ્રોલનો ભાવ આસમાને પહોંચતા લોકો માટે ખૂબ જ ચિંતાનો વિષય છે.
આવનારા સમયમાં પેટ્રોલનો ભાવ ક્યાં પહોંચશે અને આ મોંઘવારી કેવી રીતે રોકાશે, તે સામાન્ય અને ગરીબ માણસ માટે ખૂબ ચિંતાનો વિષય બની ગયો છે. સરકાર સામે વિપક્ષ પાંગળુ સાબિત થઈ રહ્યું છે. અને કોઈ મોંઘવારીમાં પેટ્રોલ ડીઝલના ભાવ વધારાનો વિરોધ કરે તે પહેલાં તો પોલીસ તેમને ઉપાડી જાય છે. માટે હવે આ મોંઘવારીની યાતના કહેવી તો કોને કહેવી તે યક્ષપ્રશ્ન છે.