ભરૂચમાં કેબલ બ્રિજ નજીક ચાલુ કારમાં આગ ફાટી નીકળતા દોડધામ મચી

ભરૂચ નજીક રાષ્ટ્રિયધોરી માર્ગ પર કેબલ બ્રિજ નજીક કારના આગ ફાટી નીકળતા દોડધામ મચી જવા પામી હતી.કાર ચાલક સમય સુચકતા વાપરી નીચે ઉતરી જતા તેનો આબાદ બચાવ થયો હતો.

ભરૂચ નજીક રાષ્ટ્રીય ધોરી માર્ગ પર કેબલ બ્રિજ પાસેથી પસાર થઈ રહેલ કારમાં આજે બપોરના સમયે એકાએક આગ ફાટી નીકળી હતી. કારમાં સવાર સમયસુચકતા વાપરી નીચે ઉતરી જતા તેઓનો આબાદ બચાવ થયો હતો.જોતજોતામાં આગે વિકરાળ સ્વરૂપ ધારણ કરતા દોડધામ મચી જવા પામી હતી.બનાવની જાણ થતાની સાથે જ ફાયર ફાયટરો ઘટના સ્થળે દોડી આવ્યા હતા અને આગ પર કાબુ મેળવ્યો હતો

હાઇવે પાર આગની ઘટનાના પગલે ટ્રાફિકજામના દ્રશ્યો જોવા મળ્યા હતા.ભરૂચ નજીકનો હાઇવે આમ પણ ટ્રાફિક જામ માટે બદનામ છે ત્યારે આ પ્રકારના અકસ્માતો બાદ હાઇવે પર વાહનોની લાંબી લાઇન લાગે છે.દિવાળીના તહેવારના પગલે હાઇવે પર ટ્રાફિકજામની પરિસ્થિતિનું નિર્માણ થયું હતું