Banaskantha : ખરીફ સિઝનમાં મગફળીનું મબલખ ઉત્પાદન, ડીસા માર્કેટ યાર્ડમાં દૈનિક 50 હજાર બોરી મગફળીની આવક

બનાસકાંઠા જિલ્લાના ખરીફ સીઝનમાં મગફળીનું મબલખ વાવેતર થયું હતું. જે બાદ પાક તૈયાર થઈ જતા અત્યારે ડીસા માર્કેટિંગ યાર્ડમાં મગફળીનો મોટો જથ્થો વેચાણ અર્થે આવી રહ્યો છે. ખેડૂતોને ટેકાના ભાવ કરતાં મળતા સારા ભાવના કારણે ખેડૂતો વેપારીઓને જ મગફળીનું વેચાણ કરી રહ્યા છે.

ડીસા માર્કેટિંગ યાર્ડમાં મોટા પ્રમાણમાં મગફળીનું વેચાણ થઈ રહ્યું છે. દિવાળી પહેલા નાણાંની જરૂરિયાત તેમજ શિયાળાની સિઝનની વાવેતર માટે ખેડૂતો ખરીફ સીઝનમાં તૈયાર થયેલા મગફળીનું વેચાણ કરી રહ્યા છે. ડીસા માર્કેટિંગ યાર્ડમાં દૈનિક ૫૦ હજારથી વધુ મગફળી બોરીની આવક છે. ૧૧૦૦ થી લઈ ૧૩૦૦ રૂપિયા જેટલા ભાવ મગફળીના મળતા ખેડૂતો અત્યારે મગફળીનું વેચાણ કરી રહ્યા છે.

સરકારે ટેકાના ભાવે મગફળી ખરીદીની શરૂઆત જાહેરાત કરી છે. પરંતુ તેની શરૂઆત અને હજુ લાભ પાંચમ સુધીનો સમય બાકી છે. ત્યારે સરકારના ટેકાના ભાવ કરતાં માર્કેટિંગ યાર્ડમાં વધુ ભાવ મળતાં ખેડૂતો ખુલ્લા બજારમાં વેપાર કરવાનું વધુ પસંદ કરી રહ્યા છે. ખેડૂતોનું કહેવું છે કે સરકાર ટેકાના ભાવ આપે છે. પરંતુ તેના કરતાં સારા ભાવ માર્કેટમાં મળી રહેતા હોવાથી ખેડૂતો સરકારી પદ્ધતિમાં પડવા કરતા માર્કેટમાં મગફળી નું વેચાણ કરી રહ્યા છે.

ગત વર્ષે પણ સરકારી ટેકાના ભાવે મગફળીની ખરીદી નિષ્ફળ રહી હતી. મોટાભાગના ખેડૂતોએ બજારમાં મગફળીનું વેચાણ કર્યું હતું. દર વખતે સરકાર ટેકાના ભાવે મગફળી ખરીદી મોડી શરૂ કરે છે. જેના કારણે નાણાંની જરૂરીયાતવાળા ખેડૂતો માર્કેટિંગ યાર્ડમાં મગફળી વેચાણ કરવાનું વધુ પસંદ કરે છે. ટેકાના ભાવ કરતાં સારા ભાવ તેમજ સરકારી પદ્ધતિમાંથી પસાર થવાનું હોવાના કારણે ખેડૂતો મગફળી બજારમાં વેચાણ કરી રહ્યા છે.

આ પણ વાંચો : અમદાવાદ જિલ્લા કલેક્ટરના હસ્તે વૅબપૉર્ટલ “આશિષ”નું લોકાર્પણ, હેલ્થ ઇમરજન્સી દરમિયાન દર્દીઓના મૃત્યુદર ઘટાડવાનો લક્ષ્યાંક

આ પણ વાંચો : SURAT : વીર નર્મદ યુનિવર્સિટીમાં ગરબા રમતા વિદ્યાર્થીઓનું પોલીસ સાથે ઘર્ષણ, 7 વિદ્યાર્થીઓ ઘાયલ થતા હોસ્પિટલ ખસેડાયા