કુદરતી સૌદર્યથી ભરપુર એવા ડાંગ જિલ્લામાં વરસેલા અવિરત વરસાદને પગલે વઘઈના ગીરા ધોધમાંથી પડતા નીરને કારણે નયનરમ્ય દ્રશ્યો સર્જાયા છે. વહેતા ધોધમાંથી પડતા પાણીના અવાજથી એક પ્રકારે આકર્ષણ ઉભુ થાય છે. ધોધને કારણે ઉડતી વાછંટ તેમજ સતત વરસતા વરસાદથી વાતાવરણ આહલાદક બન્યુ છે. ડાંગમાં વરસેલા વરસાદથી વરસાદી પાણી અંબિકા અને કાપરી નદીની સાથેસાથે ગીરા ધોધમાં […]
Follow us on
કુદરતી સૌદર્યથી ભરપુર એવા ડાંગ જિલ્લામાં વરસેલા અવિરત વરસાદને પગલે વઘઈના ગીરા ધોધમાંથી પડતા નીરને કારણે નયનરમ્ય દ્રશ્યો સર્જાયા છે. વહેતા ધોધમાંથી પડતા પાણીના અવાજથી એક પ્રકારે આકર્ષણ ઉભુ થાય છે. ધોધને કારણે ઉડતી વાછંટ તેમજ સતત વરસતા વરસાદથી વાતાવરણ આહલાદક બન્યુ છે. ડાંગમાં વરસેલા વરસાદથી વરસાદી પાણી અંબિકા અને કાપરી નદીની સાથેસાથે ગીરા ધોધમાં પણ વહે છે. ચારે બાજુથી આવતા વરસાદી પાણીથી સતત વહેતા ગીરા ધોધના ઘસમસતા વહેણને નિહાળવા માટે નજીકના વિસ્તારમાંથી પ્રવાસીઓ ઉમટતા હોય છે. આ વર્ષે કોરોનાના કારણે ડાંગના વઘઈ ખાતે પ્રવાસીઓના આવવા ઉપર પ્રતિબંધ છે. વર્તમાન ચોમાસામાં પહેલીવાર ગીરા ધોધ જીવંત બન્યો છે. ડાગમાં પડી રહેલ ભારે વરસાદથી અંબિકા અને ખાપરી નદીમાં પણ નવા નીર આવ્યા છે. અને બન્ને નદીઓ બે કાંઠે વહી રહી છે. જુઓ વીડિયો