ANAND : વાઇબ્રન્ટ સમિટ પહેલા ગુજરાતમાં કૃષિક્ષેત્રે 2359 કરોડના MOU થયા

Vibrant Gujarat 2022 : રાજ્યપાલ આચાર્ય દેવવ્રત અને કેન્દ્રીય મંત્રી પરષોત્તમ રૂપાલાની હાજરીમાં મંગળવારે આણંદ કૃષિ યુનિવર્સિટી ખાતે યોજાયેલી પ્રિ-વાયબ્રન્ટ સમિટમાં આ એમઓયુ પર હસ્તાક્ષર કરવામાં આવ્યા હતા.

ANAND : વાઇબ્રન્ટ સમિટ પહેલા ગુજરાતમાં કૃષિક્ષેત્રે 2359 કરોડના MOU થયા
Vibrant Gujarat 2022
TV9 GUJARATI

| Edited By: Nakulsinh Gohil

Dec 15, 2021 | 6:45 AM

ANAND : વૈશ્વિક રોકાણકારોને આકર્ષવા માટે, ગુજરાત સરકારે આવતા વર્ષે જાન્યુઆરીમાં યોજાનારી વાઇબ્રન્ટ ગુજરાત ગ્લોબલ સમિટ પહેલા રાજ્યના કૃષિ ક્ષેત્ર માટે રૂ. 2359 કરોડના કરાર પર હસ્તાક્ષર કર્યા હતા. રાજ્યપાલ આચાર્ય દેવવ્રત અને કેન્દ્રીય મંત્રી પરષોત્તમ રૂપાલાની હાજરીમાં મંગળવારે આણંદ કૃષિ યુનિવર્સિટી ખાતે યોજાયેલી પ્રિ-વાયબ્રન્ટ સમિટમાં આ એમઓયુ પર હસ્તાક્ષર કરવામાં આવ્યા હતા.

આ પ્રિ-વાયબ્રન્ટ સમિટમાંમાં ચોખા અને મકાઈમાંથી ઈથેનોલ બનાવવાનો પ્રોજેક્ટ પણ સામેલ છે. આ માટે અમાન્યા ઓર્ગેનિકે 150 કિલોલીટર પ્રતિ દિવસના ઇથેનોલ ઉત્પાદન પ્લાન્ટ માટે રૂ. 192 કરોડના રોકાણ પ્રસ્તાવ પર હસ્તાક્ષર કર્યા છે.

હિમંતનગરમાં સ્નેક્સ (નાસ્તા-નમકીન)ના ઉત્પાદન માટે ફ્રોઝન પોટેટો પ્લાન્ટ માટે ઈસ્કોન બાલાજી ફ્રુટ્સ દ્વારા 500 કરોડના MOU પર હસ્તાક્ષર કરવામાં આવ્યા હતા.ગાંધીનગરમાં એગ્રી પ્રોડ્યુસ ગ્રીન ઇ-કોમર્સ પ્રોજેક્ટ માટે 200 કરોડ, DAPS ઇન્ફ્રાએ 150 કિલોલીટર ક્ષમતાના પ્લાન્ટ માટે રૂ. 192 કરોડના MOU પર હસ્તાક્ષર કર્યા.

પારસ સ્પાઈસીસ વતી 150 કરોડના ખર્ચે રાજકોટ ખાતે ડીહાઈડ્રેશન, પેક હાઉસ, સોટેક્સ અને સ્પાઈસીસ ગ્રાઇન્ડીંગ પ્લાન્ટ, UPL તરફથી 500 કરોડના ખર્ચે દહેજ ખાતે 500 KL એક દિવસનો ઈથેનોલ ઉત્પાદન પ્લાન્ટ, CIBWA, લુના કેમિકલ્સ દ્વારા 25 કરોડના ખર્ચે. 500 કિલોલીટર ઇથેનોલ પ્લાન્ટ માટે રૂ. 650 કરોડના કરાર પર હસ્તાક્ષર કરવામાં આવ્યા હતા.

આ પ્રસંગે રાજ્યપાલ દેવવ્રતે ખેડૂતોને સજીવ ખેતીને બદલે કુદરતી (જીવામૃત) ખેતી તરફ આગળ વધવા અપીલ કરી હતી. તેમણે કહ્યું કે કૃષિ ક્ષેત્રે નવા સંશોધનો અને શોધ એ સમયની જરૂરિયાત છે.

રાજ્યપાલે જીવામૃતની ખેતી પર ભાર મૂકતાં જણાવ્યું હતું કે, બહારના દેશોમાંથી આવતા જંતુઓ દ્વારા જૈવિક ખેતી કરવામાં આવે છે, પરંતુ દેશનું વાતાવરણ આ જંતુઓ માટે અનુકુળ ન હોવાને કારણે તે વધુ ફાયદાકારક પુરવાર થઈ રહ્યું નથી, જ્યારે જીવામૃતની ખેતીમાંથી જંતુઓ વધુ ફાયદાકારક સાબિત થઈ રહી છે. ખેડૂતોને વધુ નફો મળી રહ્યો છે. રાસાયણિક ખાતરોના ઉપયોગ પર સવાલ ઉઠાવતા રાજ્યપાલે કહ્યું કે દેશમાં દર વર્ષે એક લાખ કરોડ રૂપિયાનો ઉપયોગ થાય છે. આ પ્રકૃતિની સાથે સ્વાસ્થ્યને પણ નુકસાન પહોંચાડે છે.

આ પણ વાંચો : AHMEDABAD : હાઇકોર્ટના આદેશ બાદ પણ સામાન પરત ન કરતા લારીગલ્લા અને પાથરણા સંઘનો AMCના ગોડાઉન ખાતે હોબાળો

Follow us on

Related Stories

Most Read Stories

Click on your DTH Provider to Add TV9 Gujarati