અમદાવાદ શહેર પોલીસે 20 વેપારીઓને જ ફટાકડા વેચવાની મંજૂરી આપી, ફાયર વિભાગે 300 વેપારીઓને NOCની લહાણી કરી, શહેરમાં બિલાડીના ટોપની જેમ ગેરકાયદે ફટાકડાનું વેચાણ

અમદાવાદમાં શહેર પોલીસે માત્ર 20 વેપારીઓને જ ફટાકડા વેચવાની મંજૂરી આપી છે. જ્યારે ફાયર વિભાગે 300 જેટલા વેપારીઓને NOC આપી છે. આ આંકડો ચોક્કસ નવાઇ પમાડે તેવો છે. શહેરમાં બિલાડીની ટોપની જેમ ફટાકડાનું વેચાણ કરતા લોકો નજરે પડી રહ્યા છે ત્યારે અહી સવાલ એ સર્જાય છે કે શું આ તમામ લોકોએ પોલીસ વિભાગની મંજૂરી લીધી હશે ? દિવાળીના તહેવારમાં ફટાકડા ફોડવાનું મહત્વ રહેલું છે જોકે તંત્રની મંજૂરી વગર ફટાકડા વેચતા લોકો પર લગામ કસાય તે પણ એટલું જ જરૂરી છે જોકે આ મુદ્દે શહેર પોલીસ વિભાગના અધિકારીઓએ કેમેરા સામે બોલવાનું ટાળ્યું તો ફાયર વિભાગના અધિકારીઓ પણ જણાવી રહ્યા છે કે તેઓનું કામ માત્ર NOC આપવાનું છે.