World Population Day: ગુજરાતે 2.1ના પ્રજનન દરના લક્ષ્યાંક સામે 1.9 ટકાનો લક્ષ્યાંક હાંસલ કર્યો
World Population Day: 11મી જૂલાઈ વિશ્વ વસ્તી દિવસ તરીકે ઉજવાય છે. જેમા ગુજરાત રાજ્યે વસ્તી નિયંત્રણ ક્ષેત્રે શ્રેષ્ઠતમ કામગીરી કરી છે. વસ્તી નિયંત્રણ માટે 2.1 ટકા પ્રજનન દરના લક્ષ્યાંક સામે ગુજરાતે વર્ષ 2020માં જ 1.9 ટકાનો લક્ષ્યાંક હાંસલ કર્યો છે.
Ahmedabad: વસ્તી નિયંત્રણ માટે વર્ષ 2030 સુધીના 2.1 ટકા પ્રજનન દરના લક્ષ્યાંકની સામે ગુજરાતે વર્ષ 2020 માં જ 1.9 ટકાનો લક્ષ્યાંક હાંસલ કર્યો ( NFHS-5 સર્વે) રાજ્યમાં વર્ષ 2022-2023 માં 6.64 લાખ બહેનોએ કોપર ટી (IUCD-ઇન્ટ્રા યુટ્રાઇન કોન્ટ્રાસેપ્ટીવ ડિવાઇઝ) મૂકાવી. વર્ષ 2022-23 માં 3.08 લાખ મહિલાઓ અને 1,223 પુરુષોએ નસબંધીનું ઓપરેશન કરાવ્યું.
રાજ્યમાં 27 જુનથી 10 જુલાઇ દરમિયાન દંપતી સંપર્ક પખવાડિયુ ઉજવાયું- કુટુંબ નિયોજન જનજાગૃતિના વિવિધ કાર્યક્રમો યોજાયા. 11 જુલાઇ થી 24 જુલાઇ જન સંખ્યા સ્થિરતા પખવાડિયું ઉજવાશે. પ્રસુતિ બાદ 48 કલાકમાં કોપર ટી સરકારી સંસ્થા કે માન્ય કુટુંબ કલ્યાણ કેન્દ્રમાં મૂકવામાં આવે છે.
11 મી જુલાઇ સમગ્ર વિશ્વમાં “વિશ્વ વસ્તી દિવસ” ઉજવાય છે. ગુજરાત રાજ્યમાં વસ્તી નિયંત્રણ ક્ષેત્રે શ્રેષ્ઠત્તમ કામગીરી કરવામાં આવી રહી છે. વસ્તી નિયંત્રણ માટે વર્ષ 2030 સુધીમાં 2.1 ટકા પ્રજનન દર ના લક્ષ્યાંકની સામે ગુજરાતે વર્ષ 2020 માં જ 1.9 ટકાનો લક્ષ્યાંક સિધ્ધ કર્યો છે. નેશનલ ફેમીલી હેલ્થ સર્વે-5ના આંકડા આ સિદ્ધિ દર્શાવે છે.જેના માટે લાંબા સમયથી ગુજરાત સરકારના આરોગ્ય વિભાગ દ્વારા કુટુંબ નિયોજન ક્ષેત્રે કરવામાં આવી રહેલી શ્રેષ્ઠત્તમ કામગીરીનું આ પરિણામ છે.
વર્ષ 2022-23 માં રાજ્યની સરકારી અને ખાનગી હોસ્પિટલમાં મળીને કુલ 6.64 લાખ જેટલી બહેનોએ કુટુંબ નિયોજન માટે કોપર ટી મૂકાવી છે. તેમાં પણ સરકારી હોસ્પિટલમાં થયેલ પ્રસૂતિમાંથી કુલ 4 લાખ જેટલી બહેનોએ PPIUCD(પોસ્ટ પાર્ટમ ઇન્ટ્રા યુટ્રાઇન કોન્ટ્રાસેપ્ટીવ ડિવાઇઝ) પ્રસૂતિ બાદના 42 દિવસમાં જ કોપર ટી મૂકાવી છે.
વધુમાં કુટુંબ નિયોજન સ્ત્રી વ્યંધિકરણ માટે કરવામાં આવતા ઓપરેશનમાં પણ રાજ્યમાં કુલ 3,08,976 બહેનોએ સ્ટરીલાઇઝેશન ઓપરેશન અને 1,223 પુરુષોએ નસબંધી કરાવી છે. રાજ્યમાં વસ્તી નિયંત્રણ માટે વધુમાં વધુ જાગૃકતા કેળવાય તે માટે આરોગ્ય વિભાગ દ્વારા 27 જુનથી 10 મી જુલાઇ દરમિયાન દંપતી સંપર્ક પખવાડિયુ ઉજવાયું હતું. હવે 11 જુલાઇ થી 24 જુલાઇ જન સંખ્યા સ્થિરતા પખવાડિયું ઉજવવામાં આવશે.
અમદાવાદ સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો
