Ahmedabad Crime News : ચકચારી હત્યા કેસમાં વિરમગામના વોર્ડ નંબર બેના અગ્રણી ભાજપના ભરત કાઠી સહિત 7 લોકો સામે પોલીસ ફરિયાદ દાખલ થઈ છે. વિરમગામ પોલીસે મોડી રાત સુધી આરોપીઓને શોધવાની કાર્યવાહી હાથ ધરી છે.
કોર્પોરેટરના પતિની હત્યા મામલે સાત લોકો સામે નોંધાઇ ફરિયાદ
Follow us on
અમદાવાદના વિરમગામમાં ભાજપના મહિલા કોર્પોરેટરના પતિ હર્ષદ ગામોટની ચૂંટણી અદાવતમાં થયેલી હત્યા મામલે પોલીસ એક્શનમાં આવી છે. આ ચકચારી હત્યા કેસમાં વિરમગામના વોર્ડ નંબર બેના ભાજપના અગ્રણી ભરત કાઠી સહિત 7 લોકો સામે પોલીસ ફરિયાદ દાખલ થઈ છે. વિરમગામ પોલીસે મોડી રાત સુધી આરોપીઓને શોધવાની કાર્યવાહી હાથ ધરી છે. 2021માં વિરમગામ નગર પાલિકાની ચૂંટણીમાં મૃતક અને તેમના પત્ની અપક્ષ ચૂંટણી લડતા બંને વચ્ચે વેર બંધાયું હતું. મૃતક હર્ષદ ગામોટ અને આરોપી ભરત કાઠી વચ્ચે 15 વર્ષ પહેલા વ્યાપારિક સંબંધો હતા. જો કે નગરપાલિકાની અપક્ષ ચૂંટણી લડ્યા બાદ બંને પરિવારો વચ્ચે વેર બંધાયું હતું અને વિવાદ વધતા અંતે હત્યા જેવી ગંભીર ઘટના પણ બની છે.
ગઇકાલ એટલે કે 10 જાન્યુઆરીએ અમદાવાદ જિલ્લાના વિરમગામના મહિલા કોર્પોરેટરના પતિની હત્યા થયાના સમાચાર સામે આવ્યા હતા. ચૂંટણીની અંગત અદાવતમાં હત્યા થયાની પ્રાથમિક માહિતી મળી હતી. મૃતક હર્ષદ ગામોટ અને આરોપી ભરત કાઠી વચ્ચે 15 વર્ષ પહેલા વ્યાપારિક સંબંધો હતા. જો કે નગરપાલિકાની અપક્ષ ચૂંટણી લડ્યા બાદ બંને પરિવારો વચ્ચે વેર બંધાયું હતું અને વિવાદ વધતા અંતે હત્યા જેવી ગંભીર ઘટના પણ બની છે. વોર્ડ-2 ભાજપના મહિલા કોર્પોરેટર સોનલ ગામોટના પતિ હર્ષદ ગામોટને છરી ઘા ઝીંકી કેટલાક શખ્સો ફરાર થઇ ગયા હતા. હર્ષદ ગામોટને છાતી અને પેટના ભાગે તિક્ષ્ણ હથિયારના ઘા વાગતા મોત થયુ હતુ. જે પછી વિરમગામ ટાઉન પોલીસે તપાસ હાથ ધરી હતી. હવે પોલીસે 7 લોકો સામે ફરિયાદ દાખલ કરીને કાયદેસરની કાર્યવાહી હાથ ધરી છે.
