અમદાવાદમાં IT નું મેગા ઓપરેશન,ચિરીપાલ ગ્રુપના 35 થી 40 જગ્યા પર દરોડા
અમદાવાદમાં કુલ 35 થી 40 જગ્યા પર દરોડા પાડીને ITએ તપાસ શરૂ કરી છે.કુલ 150 અધિકારીઓ દરોડાની (IT Raid) કામગીરીમાં જોડાયા છે.
અમદાવાદ (Ahmedabad) ઇન્કમટેક્સ વિભાગે મેગા ઓપરેશન(mega opreation) હાથ ધર્યું છે.ચીરિપાલ ગ્રુપ પર IT ના દરોડા પડ્યા છે.મહત્વનું છે કે,ટેક્ષટાઇલ અને શિક્ષણ સાથેના વ્યવસાયમાં ચિરીપાલ ગ્રુપ (Chiripal group) સંકળાયેલ છે. બોપલ રોડ પર ચિરીપાલ ગ્રુપની મુખ્ય ઓફિસ સાથે વેદપ્રકાશ ચિરીપાલ,બ્રિજમોહન ચિરીપાલ સહિતના ભાગીદારોને ત્યાં પણ દરોડા પાડવામાં આવ્યા છે.અમદાવાદમાં કુલ 35 થી 40 જગ્યા પર દરોડા પાડીને ITએ તપાસ શરૂ કરી છે.તમને જણાવી દઈએ કે, 150 અધિકારીઓ દરોડાની કામગીરીમાં જોડાયા છે.આ દરોડા દરમિયાન દસ્તાવેજ અને ઈલેક્ટ્રોનિક પુરાવા એકત્રિત કરાશે. આ તપાસ પૂર્ણ થયા બાદ કરોડોની કરચોરી બહાર આવે તેવી શક્યતા છે.
AGL પર ઇન્કમટેક્સ ત્રાટક્યું
થોડા દિવસો અગાઉ ગુજરાતમાં એશિયન ગ્રેનીટો ઇન્ડિયા લિમિટેડ (AGL) પર ઈન્કટેકસના દરોડા (IT Raid)પડ્યા હતા. કંપનીના અલગ- અલગ 40 લોકેશન પર ઈન્કટેકસ વિભાગના અધિકારીઓએ સર્ચ દરમ્યાન મહત્વના ડોક્યુમેન્ટ અને વધુ 5 કરોડ રૂપિયાની રોકડ(Cash)જપ્ત કરવામાં આવી હતી. ઇન્કમ ટેક્સ વિભાગની ત્રીજા દિવસની કાર્યવાહીમાં કુલ 20 કરોડની રોકડ મળી આવી હતી. સાથે જ અત્યાર સુધીમાં કંપનીના 25 લોકર સર્ચ દરમ્યાન મળી આવ્યા હતા. તપાસ દરમિયાન મળેલી 5 કરોડની રકમ અંગે કંપનીના માલિકોને પૂછતા રકમ અંગે કોઈ ખુલાસો કરી શક્યા ન હતા જેને કારણે અપ્રમાણસર મિલકત તરીકે આ રકમને સીઝ કરવામાં આવી હતી. સાથે જ મોટા પ્રમાણમાં દસ્તાવેજી તેમજ ડિજિટલ પુરાવા પણ ઈન્કમટેકસ વિભાગના (Income Tax Department)અધિકારીઓને મળ્યા હતા.
