બોટાદ ઝેરી દારૂકાંડ: તપાસ એજન્સીઓને સમીર પટેલ વિરુદ્ધ મળ્યા મહત્વના પૂરાવા, ફિનાર કંપનીએ કરેલા ઈમેલમાં થયો ખૂલાસો, જાણો

બોટાદ ઝેરી દારૂકાંડમાં એક બાદ એક ખૂલાસાઓ થઈ રહ્યા છે. જેમા જે કંપનીમાંથી કેમિકલ મિથોનોલ (Methanol) સપ્લાય કરવામાં આવ્યુ હતુ તે અમદાવાદ(Ahmedabad)ના ચાંગોદરની એમોસ કંપની ફિનાર કંપનીને સપ્લાય કરતી હતી.  ફિનાર કંપનીએ અનેકવાર એમોસ કંપની અને કંપનીના મુખ્ય ડિરેક્ટર સમીર પટેલ(Samir Patel)ને મેઈલ કરી મટિરિયલમાં ઘટ હોવાની જાણકારી આપી હતી. પરંતુ સમીર પટેલ કે એમોસ કંપની(Amos Company)એ તેના પર કોઈ એક્શન લીધા ન હતા અને મેઈલનો રિપ્લાય પણ કર્યો ન હતો. પોલીસ તપાસમાં સામે આવ્યુ કે માલ ઓછો પહોંચતો હોવાની જાણ હોવા છતા સમીર પટેલે કોઈ પગલા લીધા ન હતા. અને કંપનીમાંથી મિથેનોલ ચોરી થઈ રહ્યુ હોવાની તેમને જાણ હોવી જોઈએ. તપાસ એજન્સીઓ મેઈલમાં મળેલી આ વિગતોને પૂરાવા સ્વરૂપે કોર્ટ સમક્ષ પણ મુકશે.

Amos કંપનીના ડિરેક્ટર સમીર પટેલ સામે કસાશે કાયદાનો ગાળિયો

હાલ તો ફિનાર કંપનીએ કરેલા મેઈલની જે વિગતો સામે આવી છે તેને જોતા એમોસ કંપની અને તેના ડિરેક્ટર સમીર પટેલ સામે કાયદાનો ગાળિયો વધુ કસાઈ શકે છે. એમોસ કંપનીમાંથી જ્યાં મિથેનોલ સપ્લાય થતુ હતુ તે ફિનાર કંપનીએ અવારનવાર એમોસ કંપનીના ઓફિશ્યિલ ઈમેલ આઈડી પર અને સમીર પટેલના ઈમેલ આઈડી પર બંનેને મેઈલ કરીને મટિરિયલમાં ઘટ હોવાની જાણકારી આપી હતી.

ફિનાર કંપનીએ એમોસ કંપનીને મેઈલ કરી મટિરિયલમાં ઘટ હોવાની કરી હતી જાણ

ફિનાર કંપની ચોક્સાઈથી કામ લેવા માગતી હતી, તેમને ઘટનાની ગંભીરતા વિશે જાણ હતી પરંતુ સમીર પટેલ કે તેમની કંપની દ્વારા આ મુદ્દે કોઈપણ રિપ્લાય આપવામાં આવ્યો નહોંતો. વારંવાર માલ ઓછો જતો હોવાછતા આ બાબતે કોઈ કાર્યવાહી કરવામાં આવી ન હતી. પોલીસ એવુ પણ માની રહી છે કે સમીર પટેલ જાણતા હતા તેમની કંપનીમાંથી જે મિથેનોલ સપ્લાય થઈ રહ્યુ છે તે તેમા ક્યારેક ઘટ આવી રહી છે. આ મિથેનોલ છે તે ચોરી થઈ રહ્યુ છે. છતા કેમિકલમાં ઘટ આવવા બાબતે તેમણે કોઈ પગલા લીધા ન હતા. સમગ્ર ઝેરી દારૂકાંડમાં 43 જેટલા લોકોના મોત થયા હતા. પોલીસે સમીર પટેલ વિરુદ્ધ 304ની કલમ લગાવવા માટેની કોર્ટ કાર્યવાહી પણ કરી લીધી છે. હાલ તપાસ એજન્સીઓને જે પુરાવા મળ્યા છે તે આગામી દિવસોમાં પોલીસ કોર્ટમાં મજબુત પુરાવા તરીકે રાખી શકે છે જેમા સમીર પટેલની મુશ્કેલીઓ પણ વધી શકે છે.

ઈનપુટ ક્રેડિટ-મિહિર ભટ્ટ- અમદાવાદ