Ahmedabad : બેરોજગારી કારણે ચોરીનો શોર્ટકટ અપનાવ્યો, દિવાલમાં બાકોરું પાડી ચોરી કરતા બે લોકોની ધરપકડ કરી

અમદાવાદના(Ahmedabad)બેરોજગારી કારણે મજૂરી ન મળતા બે યુવાનોએ જરૂરિયાત પૂર્ણ કરવા માટે ચોરીનો (Theft)માર્ગ અપનાવ્યો હતો. જેમાં બંને યુવકો રીઢા ચોર બને અને અન્ય ચોરીઓ કરે તે પહેલાં જ પોલીસે બંને ને ઝડપી પાડ્યા છે. આ આરોપીઓને ચોરીની ટેવ નહિં હોવાથી ઘરમાં ચોરી કરી ચોરીનો સમાન પેડલ રિક્ષા પર જાહેરમાં લઈ ગયા હતા. જેમાં ખોખરા પોલીસની કસ્ટડીમાં રહેલા આ આરોપીના નામ સુનિલ ઉર્ફે ડોગરો ચુનારા અને આઝાદ ઉર્ફે અજ્જુ રાવળ છે. આ આરોપી છુટક મજુરી કરી ગુજરાન ચલાવતા હતા. જોકે બેરોજગારીના કારણે પૈસા કમાવવાનો અન્ય રસ્તો નહિ મળતાં બંને યુવકોએ ચોરી કરી પૈસા કમાવવાનો સરળ રસ્તો પસંદ કર્યો.

આ બંને યુવકો ઘરફોડ ચોરી કરતા થયા અને બે જ દિવસમાં બે ગુનાને અંજામ આપ્યો હતો. તેમજ આરોપીએ શહેરના ખોખરા વિસ્તારમાં બે બંધ મકાનને ટાર્ગેટ કર્યો અને મકાનની દિવાલમાં બાકોરુ પાડી ઘરમાં રહેલા સામાનની ચોરી કરી ફરાર થઈ ગયા. જોકે પોલીસે સીસીટીવીના આધારે તપાસ કરતા આરોપી ઝડપાઈ ગયા.

આ ઝડપાયેલા આરોપીની પુછપરછ કરતા સામે આવ્યુ કે તેઓ મજબુરીના મારે આરોપી બન્યા છે. કારણ કે છેલ્લા કેટલાક મહિનાથી તેઓ બેકાર હતા અને કોઈ રોજગારી મળી શકે તેમ ન હોવાથી તેઓ ચોરી ના રવાડે ચડ્યા હતા. જોકે આ ગુનામાં આરોપીનો મુખ્ય સાગરીત ફરાર છે, જેની પોલીસે સોધખોળ હાથ ધરી છે. ઉપરાંત આરોપી જે મશીન વડે દિવાલ બનાવતા હતા તેનો જ ઉપયોગ કરી ચોરી માટે દિવાલ તોડતા હોવાનુ સામે આવ્યુ છે. આરોપીઓને ચોરીની ટેવ નહિં હોવાથી ઘરમાં ચોરી કરી ચોરીનો સમાન પેડલ રિક્ષા પર જાહેરમાં લઈ ગયા હતા.

જેમાં ખોખરા પોલીસે આરોપીની ધરપકડ કરી ચોરી અંગે પુછપરછ કરી ત્યારે આરોપી એ કબુલ્યુ કે જેલમાં જવાનો કે ચોરી કરવાનો કોઈ શોખ નથી પરંતુ જેલમાં બે સમયનુ જમવાનુ મળશે. બસ આજ આશયથી તેઓએ ગુનો કર્યો છે. પરંતુ ચોરીનો મુદ્દામાલ પણ ન વેંચી શક્યા નહિ અને પોલીસને હાથે ઝડપાઈ ગયા છે.