દોઢ માસમા એક કરોડનો દંડ વસુલાયો, 1 કરોડ પૈકી માત્ર 11 લાખ રુપિયા ડીજીટલ દંડ વસુલાયો
ટ્રાફિક પોલીસે શરૂ કરેલા પીઓએસ મશીન કે જેનાથી ડિજિટલ દંડ લેવાય છે તે હવે શરૂઆતથી જ મૃતપાય હાલતમાં થઈ ગયો. આ મશીન થી દોઢ માસમાં 1.05 કરોડ વસુલાયો. જેમાંથી ડિજિટલ દંડ માત્ર 10 ટકા લોકોએ જ ભર્યો. ત્યારે આગામી દિવસોમાં આ મશીનનો સૌથી વધુ ઉપયોગ કરી પ્રોજેકટ ને સફળ બનાવવા પ્રયાસ કરવામાં આવશે.
ટ્રાફિક વિભાગ દ્વારા POS મશીનથી 135 જેટલા સ્થળ પર જ ટ્રાફિક નિયમનના ભંગ બદલ દંડ વસુલાય છે. POS મશીનથી ડિજિટલ દંડ વસુંલવા માટે શરૂ કરાયેલ પાયલોટ પ્રોજેક્ટ નિષ્ફળતાના આરે જોવા મળી રહ્યો છે. કારણકે દોઢ મહિનામાં 20 હજાર વાહન ચાલકો મેમો આપી 1.05 કરોડ રૂપિયાનો દંડ વસૂલવામાં આવ્યો છે . જેમાંથી 2200 જેટલા મેમો ડિજિટલ દંડની પાવતી મેળવી 11 લાખ રૂપિયા વસુંલ્યા છે એટ્લે કે 90 લાખ દંડ રોકડમાં વસુંલાયો છે..એટ્લે માત્ર 10 ટકા લોકો જ ડિજિટલ દંડ ભરી રહ્યાં છે.
POS મશીનમાંથી દંડ વસુલવો ટ્રાફિક વિભાગ ભારે પડી શકે છે. કારણકે એક મશીનમાં 5 ડિજિટલ ટ્રાન્જેક્શન ( દંડની ડિજિટલ પાવતી) ન નીકળે તો મશીનનું 500 રૂપિયા લેખે એક મહિનાનું તમામ મશીન લેખે કુલ 70 હજાર રૂપિયા ભાડું ચુંકવું પડે. પરંતુ હાલ ડિજિટલ દંડ પાવતી વધું ન નીકળતી હોવાથી કેટલું ભાડું ચુકવે છે તે આગામી દિવસમાં ખબર પડી શકે છે. ત્યારે હજુ પણ કેટલીક તકલીફો સામે આવી રહી છે તેને દૂર કરવા POS મશીનમાં QR કોડ વિકલ્પનો ઉમેરો કરવામાં આવશે. જેથી કરીને દંડ સરળતાથી ભરી શકાય.
હાલ POS મશીનનો વધું ઉપયોગ યંગસ્ટર્સ ડિજિટલ માધ્યમને આવકારી રહ્યા છે પરંતુ બીજી તરફ મોટી ઉંમરના લોકો તેની નકારી રહ્યા હોય તેવું દેખાઈ રહ્યું છે..પરતું બીજી બાજુ Pos મશીનથી શહેરમાં લોકોના ટ્રાફિક પોલીસ સાથેના ઘર્ષણો ઓછા થયા છે. ત્યારે જો કોઈ વ્યક્તિ નિયમ નથી તોડ્યો એવી વાત કરે તો pos મશીનની પાછળ એક કેમેરો પણ છે તેનાથી તેનો ફોટો પાડવામાં આવે છે એટલે કોઈ વ્યક્તિ દંડ ભરવામાં આનાકાની કરે તો તેને તુરંત જ ફોટો બતાવીને સ્થળ પર જ દંડ ભરાવવામાં આવે છે..જેથી POS મશીનથી હવે મેમો બુક જ નહિ પરંતુ ઈ મેમો ભરવામા પણ મદદરૂપ બન્યુ છે.