અમદાવાદમાં બોમ્બ ધડાકાની ધમકી આપનારા યુવકની કરાઈ ધરપકડ

અમદાવાદની પોલીસને દોડતી કરનારા યુવકની પોલીસે ધરપકડ કરી છે. અમદાવાદમાં બોમ્બ બ્લાસ્ટની ધમકી આપનાર આરોપીની ઈસનપુરથી ધરપકડ કરવામાં આવી છે.  આરોપી આસિમ શેખ ઉર્ફે બાબા હડી ગુનાહિત ઇતિહાસ પણ ધરાવે છે અને અગાઉ ગુનામાં સંડોવાયેલો છે.

આ યુવક અગાઉ મારામારી જેવા ગુનામાં પોલીસ હાથે ઝડપાઇ ચુક્યો છે.  મોહમંદ આસીમ નામના આરોપીએ પોલીસ કંટ્રોલ રૂમને ફોન કર્યો હતો અને નહેરૂનગર BRTS બસ સ્ટેશનને ફૂંકી મારવાની ધમકી આપી હતી. આરોપીને નહેરુ નગર બીઆરટીએસના બુથ ઓપરેટર સાથે ટિકિટ લેવા બાબતે માથાકૂટ થઈ હતી. જેથી આરોપીએ BRTSના અધિકારીઓને પાઠ ભણાવવા માટે બોમ્બ મુક્યો હોવાનો ફોન કર્યો હતો. આ જ આરોપીની 2017માં પણ પાસા એક્ટ હેઠળ ધરપકડ થઈ હતી અને તેના પર જુદાજુદા 6 જેટલાં ગુના પણ નોંધાયેલા છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો

આ પણ વાંચો:  માયાવતીએ અખિલેશ યાદવને હારનું કારણ ગણાવીને કર્યા પ્રહારો, જાણો શું કહ્યું?