ભાજપના ધારાસભ્ય બલરામ થાવાણીની દાદાગીરીનો વીડિયો વાયરલ થવા મુદ્દે કોંગ્રેસ પણ લડી લેવાના મૂડમાં છે. ત્યારે કોંગ્રેસે સત્તાધારી પક્ષના ધારાસભ્યના અણછાજતા વર્તન પર પ્રહાર કરતા રાજ્ય સરકારને સવાલો કર્યા છે.
મહિલાને માર મારવાના વીડિયો પર કોંગ્રેસે ભાજપ સરકાર પર નિશાન તાક્યુ છે અને ભાજપ સરકાર માત્ર મહિલા સશક્તિકરણની વાતો જ કરતી હોવાનો આક્ષેપ કર્યો છે. સાથે જ મહિલાને માર મારવાના વીડિયો મામલે કોંગ્રેસે પણ સરકાર સામે કાર્યવાહીની માગ કરી છે.
કોંગ્રેસના પ્રવક્તા મનિષ દોષીએ કહ્યું કે સત્તાધારી પક્ષના ધારાસભ્ય દ્વારા મહિલા પર માર મારતા મન ફાવે તેમ વર્તન કર્યુ છે. રાજય સરકાર પર આકરા પ્રહારો કરતા કહ્યું કે ભાજપ માત્ર મહિલા સશક્તિકરણ વાતો કરે છે. ભાજપ સરકાર પણ જાહેરમાં આવી રીતે માર મારી મન ફાવે તેમ વર્તન કર્યુ છે. મુખ્યમંત્રી વિજય રૂપાણી આ અંગે જવાબ આપે તેવી કોંગ્રેસે માંગ કરી છે. કોંગ્રેસ પક્ષ દ્વારા આ મહિલાના ન્યાય માટે જે કરવાનુ થશે તે તમામ કાર્યવાહી કરવામાં આવશે.