VIDEO: સુરતમાં ફાયર સેફ્ટીની પુરતી સુવિધા નહી ધરાવતી 6 શાળાઓને સીલ કરવામાં આવી

સુરતમાં ફાયર સેફ્ટીની પુરતી સુવિધા નહી ધરાવતી 6 શાળાઓને સુરત મહાનગરપાલિકાના ફાયર બ્રિગેડ દ્રારા સીલ કરવામાં આવી છે. શાળાને સીલ કરતા, શૈક્ષણિક કાર્ય ઉપર અસર જોવા મળી હતી. શાળા ઉપરાંત 3 કોમર્શીયલ બિલ્ડીગ અને દુકાનોને પણ ફાયર સેફ્ટીના અભાવે સીલ કરવામાં આવ્યા છે.

સુરતમાં ફાયર વિભાગની કાર્યવાહી દિન પ્રતિદિન કરવામાં આવી રહી છે. ફાયર વિભાગ દ્વારા રાત્રીના સમયે મોટાભાગે કાર્યવાહી કરવામાં આવતી હોય છે, તેવામાં ગત રાત્રીના સમયે ફાયર વિભાગ દ્વારા ચોક બજાર વિસ્તારમાં આવેલી સર જે જે સ્કૂલને સીલ મારવામાં આવ્યું, તે ઉપરાંત શહેરની બીજી 5 સ્કૂલોને પણ ફાયરના સાધનો ના હોવાને લઈને સીલ કરવામાં આવી છે.

જેમાં વાત કરવામાં આવે તો ચોક બજાર વિસ્તારમાં આવેલી સર જે જે સ્કૂલ, સિંગાપોર રોડ પર આવેલી નીલકંઠ વિદ્યાલય, વેડ રોડ પર આવેલી મારુતિ વિદ્યલાય, લોક ભરતી સ્કૂલ,અને ડુમસ રોડ પર આવેલી સી વી ભંડારી સ્કૂલોમાં સીલ માર્યા છે. સીલ મારતા જ બાળકોને ભારે હાલાકી ભોગવી પડી હતી ઉપરાંત 3 કોમર્શીયલ બિલ્ડીંગને અને કેટલીક દુકાનો ને સીલ કરી છે.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો