મહેસાણામાં પાંચોટ તળાવમાં કાર ખાબકતા 3ના ઘટનાસ્થળે મોત, એકનો બચાવ

મહેસાણામાં 3 લોકો માટે આજનો મંગળવાર અમંગળ બનીની રહી ગયો. અકસ્માતમાં 3 લોકોનાં ઘટનાસ્થળે જ મોત થયા છે. જ્યારે એકનો બચાવ થયો છે. કારચાલકે સ્ટીયરિંગ પરથી કાબૂ ગુમાવતા કાર પાંચોટ તળાવમાં ખાબકી હતી. જેમાં એક મહિલા અને બે પુરૂષના ઘટનાસ્થળે જ મોત થયા. જ્યારે એક પુરૂષનો બચાવ થયો છે. ગાડીમાં કુલ ચાર લોકો સવાર હતા. જેમને સ્થાનિકોએ બહાર કાઢ્યા હતા. ઘટના સમયે હાજર સ્થાનિકો મોટી સંખ્યામાં પલ્ટી ખાઈ ગયેલી ગાડી પાસે પહોંચ્યા હતા. સૌથી પહેલા લોકોએ ગાડીને સીધી કરી હતી. અને ત્યારબાદ તાત્કાલીક બચાવકાર્ય હાથ ધર્યું હતું.