આજના યુગમાં ફાસ્ટ ફૂડ અને જંકફૂડ વધુ ખાવાથી પણ કેન્સર થવાની શક્યતા છે. ઘણા બધા પ્રકારના કેન્સર પૈકી મોઢાના, ગર્ભાશયના મુખના, સ્તન કેન્સરનું પ્રમાણ વધુ જોવા મળે છે. સુરતમાં અંદાજે 20 હજારથી વધુ વ્યક્તિઓ વિવિધ કેન્સરની બિમારીથી પીડાય રહ્યા છે. જેમાં બાળકો પણ બાકાત નથી. ફાસ્ટ ફૂડ અને જંકફૂડ ખાવામાં બાળકો સૌથી વધારે આગળ હોય છે. ત્યારે કેન્સર પીડિત બાળકોના વિડીયો જોઈને સુરતના 3 ભૂલકાઓએ પોતાના વાળનું મુંડન કરાવ્યું છે.
Facebook પર તમામ મહત્વના સમાચાર વાંચવા માટે TV9 Gujarati ના આ પેજને Like કરો
ચોથા ધોરણમાં ભણતા 10 વર્ષીય સુહાન લાખાણી, પહેલા ધોરણમાં અભ્યાસ કરતા 6 વર્ષના ઈથાન લાખાણી અને સમર લાખાણીએ યુ-ટ્યૂબ ચેનલ પર કેન્સર પીડિત બાળકોનો એક વિડીયો જોયો હતો. જેમાં કેન્સર પીડિત બાળકોની વ્યથા જોઈ તેઓ વિચલિત થઈ ગયા. જંકફૂડ કેટલું નુકસાનનકારક સાબિત થઈ શકે છે તે વાતની જાણકારી તેમને મળી હતી. એટલું જ નહીં કેન્સર પીડિત બાળકોને કેટલી યાતનાઓમાંથી પસાર થવું પડે છે. તેની કલ્પના કરવી પણ મુશ્કેલ છે. આ બધી બાબતો તેમણે તેના માતાપિતાને જણાવી અને કેન્સર પીડિતોને સપોર્ટ કરવા તેમણે પણ તેમના વાળોનું મુંડન કરવાનું નક્કી કર્યું.
સામાન્ય રીતે નાના બાળકોની રિતરીવાજ પ્રમાણે બાબરી કરવામાં આવતી હોય છે. પણ આ બાળકોએ સ્વૈચ્છીક રીતે કેન્સર પીડિતોને પોતાનો સહકાર બતાવી મુંડન કરાવીને અન્ય બાળકોને પણ જંકફૂડ અને ફાસ્ટફૂડથી દૂર રહેવાનો સંદેશો આપ્યો છે.
Published On - 10:26 am, Tue, 19 November 19