ભરૂચ 108ના સ્ટાફે પાલેજ-આમોદ માર્ગ પર દોરા ગામ પાસે થયેલા કાર અકસ્માતમાં બે લોકોના જીવ બચાવવાની સાથે રોકડા 59 હજાર, 2 મોબાઈલ તથા કિંમતી સમાન પરિજનોને સુધી પહોંચાડી માનવતા અને પ્રામાણિકતા મહેકાવી છે. પાલેજથી આમોદ રોડ પાર દોરા ગામ નજીક એક કારનો અકસ્માત થયો હતો. મદદનો કોલ પાલેજ 108ને મળતા એમ્બ્યુલન્સ સ્થળ તરફ જવા રવાના કરાઈ હતી. ટીમ પહોંચી ત્યારે કારના કાટમાળમાં બે વ્યક્તિ ફસાયેલા હતા.
108ના પાઈલોટ ઈમત્યાઝભાઈ અને EMT ખુશ્બૂબેન દ્વારા રેસ્ક્યુ ટીમને કોલ અપાયો હતો. ઈજાગ્રસ્તોને જેસીબી દ્વારા કારની બહાર કાઢી વધુ સારવાર માટે જનરલ હોસ્પિટલ વલણ ખસેડવામાં આવ્યા હતાં. ઈજાગ્રસ્તની હાલત સારી ન હતી. કારમાંથી ઈજાગ્રસ્તોને બહાર કાઢતીવેળા 108ની ટીમને રોકડા 59,000, બેગ, 2 નંગ મોબાઈલ મળી આવ્યા હતા. આ રોકડ અને મોબાઈલ હોસ્પિટલમાં ઈજાગ્રસ્તોનાં પરિવારજનોને સોંપી માનવતાનું ઉત્તમ ઉદાહણરૂપ પૂરું પાડવામાં આવ્યું હતું.
રોચક VIDEO જોવા માટે TV9Gujaratiના YOUTUBE પેજને SUBSCRIBE કરો