આજે આપણે વધુ એક ગુજરાતી ડીશ શીખીશું જેને ગુજરાતની સૌથી પોપ્યુલર એવી ડીશ માનવામાં આવે છે અને લગભગ તમામ ગુજરાતીઓ દ્વારા પસંદ કરવામાં આવે છે તે છે મલ્ટી ગ્રેઇન હાંડવો (Multigrain Handvo). આ હાંડવો ખાવામાં તો એકદમ સ્વાદિષ્ટ છે પરંતુ બનાવવામાં પડતી મુશ્કેલીઓને કારણે ઘર પર ઓછો બનાવવામાં આવે છે. આજે આપણે આ હાંડવાને કઈ રીતે વધુ સરળ અને ઝડપી બનાવી શકાય તે શીખીશું. હાંડવો બનાવવો ઘણો જ સરળ અને ઝડપી છે. ચોક્કસ રીતની મદદથી આપ કોઈ પણ સમયે સ્વાદિષ્ટ હાંડવો બનાવી શકો છો.
મુખ્ય સામગ્રી:
2 કપ ચોખા
1 કપ મિક્ષ દાળ (પંચરત્ન દાળ)
૩ ચમચી દહીં(curd).
અન્ય સામગ્રીઓ:
૨ ચમચી આદું-લસણ-મરચાંની પેસ્ટ (ginger-chili-garlic paste).
૨ ચમચી ગોળ (jaggery).
૧ ચમચી અજમો (ajwain).
૧/૨ ચમચી હળદર પાવડર (turmeric powder).
૧ ચમચી રાઈ (mustard seeds).
૧ ચમચી તલ (sesame seeds).
નમક સ્વાદ અનુસાર (salt).
૩ ચમચી કોથમીર (coriander leaves).
૨ ચમચી તેલ (oil).
હાંડવો બનાવવા માટેની રીત:
સૌ પ્રથમ ચોખા અને મિક્ષ (પંચરત્ન) દાળને 4 થી 5 કલાક પલાળો અને બાદમાં તેને મિક્ષરમાં નાખીને તેનું ખિરુ બનાવી લો
આ ખિરાને મિક્ષરમાંથી બાઉલમાં લઇ તેમાં દહીં ઉમેરી સરખી રીતે મિક્ષ કરી, ૧-૨ કલાકનો રેસ્ટ આપી દો. ૧-૨ કલાક પછી તેમાં નમક, ગોળ, હળદર પાવડર, આદું-લસણ-મરચાંની પેસ્ટ, કોથમીર અને અજમો નાંખી મિક્ષ કરી લો.
હવે નોન સ્ટીક કઢાઇને (સાદી પણ ચાલશે) ગેસ પર ગરમ કરો, ગરમ થઇ જાય ત્યારે તેમાં 3 ચમચી તેલ નાંખી તેને પણ ગરમ થવા દો. હવે તેમાં રાઈ અને તલ નાંખી તેને ફૂટવા દો. તે ફૂટવા લાગે કે તરતજ બેટરને તેમાં રેડી દો.
ધ્યાન રાખો કે હાંડવો એક ઇંચ લાંબો અને પિઝ્ઝા જેટલો ઘટ્ટ બને. હવે તેને ઢાંકી દઈ, મધ્યમ ધીમા તાપમાન પર પકાઓ. ૧૦ મિનીટ બાદ તેના પર તલ છાંટી, ૧ ચમચી તેલ નાંખી તેને ફેરવી દો.
૧૦ મિનીટ બાદ ગેસ બંધ કરી તેને સર્વિંગ પ્લેટમાં લઇ સર્વ કરો.
તમે હાંડવાની અંદર દૂધીને પણ છીણીને નાખી શકો છો તેનાથી હાંડવાના સ્વાદમાં વધારો થશે.