મિતાલી રાજને ખેલ રત્ન મળતાં તાપસીએ કંઈક આ રીતે કર્યાં વખાણ, સોશિયલ મીડિયા પર શેર કરી પોસ્ટ

બોલિવૂડ અભિનેત્રી તાપસી પન્નુ (Taapsee Pannu) હાલમાં તેની આગામી ફિલ્મ શાબાશ મિઠ્ઠુ (Shabaash Mithu)ના શૂટિંગમાં વ્યસ્ત હતી. અભિનેત્રી આ ફિલ્મમાં ભારતીય મહિલા ક્રિકેટ ટીમની કેપ્ટન મિતાલી રાજ (Mithali Raaj)નું પાત્ર ભજવતી જોવા મળશે. અભિનેત્રીએ મિતાલી રાજને ખેલ રત્ન એવોર્ડથી સન્માનિત કરવા બદલ અભિનંદન પાઠવ્યા છે. આ સાથે તેમના વખાણ પણ કર્યાં છે. મિતાલી રાજ ખેલ રત્ન મેળવનારી પ્રથમ મહિલા ક્રિકેટર છે.

રાષ્ટ્રપતિ રામ નાથ કોવિંદ દ્વારા મહિલા ક્રિકેટ ટીમના કેપ્ટનને સમ્માન આપવામાં આવેલ એક વીડિયો શેર કરીને ટ્વિટ કર્યું, “બસ તેમની પ્રશંસાનો આ વિગતવાર પરિચય સાંભળીને મને લાગે છે કે તે માત્ર એક ફિલ્મ નહીં, પણ પોતાની પર એક સંપૂર્ણ શ્રેણીને પાત્ર છે.” તેમણે ઉમેર્યું, “તે ખૂબ જ પ્રેરણાદાયક છે.”

અભિનેત્રીએ તાજેતરમાં શાબાશ મિઠ્ઠુ શૂટિંગ પૂર્ણ કર્યું છે. એક્ટરએ ટ્વીટ કર્યું અને લખ્યું, ” 8 વર્ષની હતી જ્યારે કોઈએ સપનું બતાવ્યું હતું કે એક દિવસ આવશે જ્યારે ક્રિકેટ ફક્ત જેન્ટલમેનની રમત નહીં હોય. અમારી પણ એક ટીમ હશે, એક ઓળખ હશે. “વુમન ઇન બ્લુ”. આવી રહ્યા છીએ અમે જલ્દી #shabaashmithu”

આગામી આઈસીસી (ICC) મહિલા ક્રિકેટ વર્લ્ડ કપ માર્ચ-એપ્રિલ 2022માં ન્યુઝીલેન્ડમાં યોજાવાનો છે. રાજની કપ્તાની હેઠળ ભારત સાથે ત્રીજી વખત ફાઈનલમાં પ્રવેશ કરવાના લક્ષ્ય સાથે બાયોપિક માટે આનાથી વધુ સારો સમય ન હોઈ શકે. ‘શાબાશ મિઠ્ઠુ’નું નિર્દેશન સુજીત સરકાર કરી રહ્યા છે. અભિનેત્રી સોશિયલ મીડિયા પર ઘણી એક્ટિવ રહે છે. તે અવારનવાર આગામી પ્રોજેક્ટ્સથી લઈને તેના ફિટનેસ રહસ્યોની વિગતો શેર કરતી રહે છે. અભિનેત્રી પોતાની વાતો બેબાકી રીતે રાખવા માટે જાણીતી છે.

આ પણ વાંચો :- કાર્તિક આર્યને તેના મિત્ર સાથે રોડ સાઈડ ફૂડ કોર્નર પર ખાધુ ચાઈનીઝ ફૂડ, જુઓ આ વાયરલ Photos

આ પણ વાંચો :- Vishal Dadlaniએ કંગનાને યાદ અપાવ્યું ભગતસિંહનું બલિદાન, કહ્યું- એ મહિલાને યાદ કરાવો જેણે કહ્યું હતું કે આઝાદી ‘ભીખ’ માં મળી છે