બોલિવૂડ એક્ટર વિદ્યુત જામવાલ (Vidyut Jammwal) તેમની ફિટનેસ અને જબરદસ્ત એક્શન માટે જાણીતા છે. તે હંમેશાં તેમના વર્કઆઉટની તસ્વીરો અને વીડિયો તેમના ફેન્સ સાથે શેર કરતા રહે છે. તાજેતરમાં જ તેમનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે, જેમાં તે બાળકોને ટ્રેન કરતા અને તેમની સાથે કસરત કરતા જોવા મળી રહ્યા છે. લોકો તેની આ શૈલીને પસંદ કરી રહ્યા છે.
વિદ્યુત જામવાલ બોલીવુડના એક સૌથી ફિટ એક્ટર્સમાંથી એક છે. સોશિયલ મીડિયા પર પણ તેમની એક્શન અને ફિટનેસ વીડિયોનો દબદબો છે. વિદ્યુત એક પ્રશિક્ષિત માર્શલ આર્ટિસ્ટ છે અને તેમણે ભારતીય માર્શલ આર્ટ કલરીપાયટ્ટુની તાલીમ લીધી છે. વિદ્યુત જામવાલ ઘણીવાર વિવિધ કસરતો અને ચેલેન્જના વીડિયો સોશિયલ મીડિયા શેર કરીને પોતાના ચાહકોને ફિટ રહેવાની પ્રેરણા આપતા રહે છે. તાજેતરમાં, તેમણે નાના બાળકોને કસરત પણ કરાવી અને રમત-રમતમાં ફીટ રહેવા પ્રેરણા પણ આપી.
વિદ્યુત જામવાલે પોતાના ઓફિશિયલ ઇન્સ્ટાગ્રામ એકાઉન્ટ પર એક વીડિયો શેર કર્યો છે જેમાં તે બાળકો સાથે રમી રહ્યા છે અને તેમને વર્કઆઉટ કરાવી રહ્યા છે. આ વીડિયોને શેર કરતાં વિદ્યુતે કેપ્શનમાં લખ્યું છે, ‘ન કોઈ આગળ છે અને ન કોઈ પાછળ. આપણે બધા આપણા અંદરના જાનવરને શોધી રહ્યા છીએ. ‘
સોશિયલ મીડિયા પર આ વીડિયો જોરદાર વાયરલ થઈ રહ્યો છે. અત્યાર સુધીમાં 4.5 લાખ લોકો આને જોઇ ચૂક્યા છે. લોકો રમત રમતમાં બાળકોને તાલીમ આપવા માટે વિદ્યુતની આ પ્રકારની શૈલી ખુબ પસંદ કરી રહ્યા છે. લોકો ન ખાલી આ વીડિયોને શેર કરી રહ્યાં છે પરંતુ તેના પર વિવિધ પ્રકારની કમેન્ટ અને પ્રતિક્રિયા આપી રહ્યાં છે.
આ પણ વાંચો :- Bell Bottomને ઓટીટી પર જલ્દીથી રિલીઝ કરવા માટે શું અમેઝોન પ્રાઈમ વીડિયોએ આપી કરોડોની ઓફર?
આ પણ વાંચો :- પોપ સ્ટાર Britney Spears હારી ગઈ કોર્ટ કેસ, ઈચ્છતી હતી પિતા જેમી સ્પીયર્સના સંરક્ષણથી આઝાદી