TMKOC :ટપ્પુ સેનાએ આપ્યો જેઠાલાલને ક્રિકેટ મેચનો પડકાર, કોણ જીતશે આ મેચ?

તારક મેહતા કા ઉલ્ટા ચશ્મા (Taarak Mehta Ka Ooltah Chashmah) સિરિયલ છેલ્લા 13 વર્ષથી દર્શકોનું મનોરંજન કરી રહી છે. દરેકને આ શો ખૂબ જ ગમે છે. આ શોના દરેક પાત્રે ચાહકોના દિલમાં એક ખાસ જગ્યા બનાવી છે. જેઠાલાલ (Jethalal) થી લઈને ટપ્પુ (Tappu) સુધી બધા દર્શકોના દિલમાં જગ્યા બનાવીને બેઠા છે. હવે ટપ્પુ સેના (Tappu Sena)એ જેઠાલાલને ચેલેન્જ આપી છે.

તારક મેહતા કા ઉલ્ટા ચશ્મા સિરિયલ દરેક મુદ્દા પર પોતાનો અભિપ્રાય બતાવે છે, સાથે જ મનોરંજન દ્વારા પણ તે લોકોને શીખ આપવવામાં પાછળ હટતો નથી. જેના કારણે બધા આ સિરિયલના વખાણ કરે છે. તાજેતરમાં આ સિરિયલ દ્વારા રસીકરણ (Vaccination) કરાવવાની અપીલ પણ કરવામાં આવી હતી. હવે જેઠાલાલ અને ટપ્પુ સેના સાથે ક્રિકેટ રમવા જઈ રહ્યા છે.

ટપ્પુ સેનાએ જેઠાલાલને પડકાર્યો
જેઠાલાલ ટપ્પુ સેના સાથે ક્રિકેટ મેચ રમવાના છે. એટલું જ નહીં, જેઠાલાલ પોતાનું ક્રિકેટ કૌશલ્ય દર્શાવીને ટપ્પુ સેનાને પ્રભાવિત કરવાનો પ્રયાસ કરશે. દિવાળી મેળાની સફળતા બાદ તમામ ગોકુલધામવાસીઓ દિવાળીની રજાઓ માણી રહ્યા છે. સોસાયટી કમ્પાઉન્ડમાં ટપ્પુ સેના ક્રિકેટ મેચ રમી રહી છે, જ્યારે જેઠાલાલ પણ કમ્પાઉન્ડમાં ગોકુલધામના અન્ય રહેવાસીઓ સાથે ગપશપ કરી રહ્યા છે. ત્યારે અચાનક જેઠાલાલને ક્રિકેટનો બોલ વાગે છે. પોતાની ભૂલની માફી માંગવા ટપ્પુ સેના જેઠાલાલ પાસે પહોંચી જાય છે. તેમને ઠપકો આપવાને બદલે, જેઠાલાલ તેમને ક્રિકેટ કેવી રીતે રમવું તે શીખવવાનું શરૂ કરે છે. તેના પર ટપ્પુ સેના જેઠાલાલને તેમની સાથે એક મેચ રમવા માટે પડકાર આપે છે.

જેઠાલાલ પણ બાળકો તરફથી મળેલ આ ચેલેન્જ સમજીને તેમના આમંત્રણને સ્વીકારે છે અને મેચ રમવા તૈયાર થઈ જાય છે. શું જેઠાલાલ તેમની ક્રિકેટની કુશળતાથી ટપ્પુ સેનાને પ્રભાવિત કરશે? કે ટપ્પુ સેના તેમના પર ભારી પડવાની છે? જાણવા માટે તમારે તારક મેહતા કા ઉલ્ટા ચશ્મા જોવી પડશે.

આ પણ વાંચો :- Sooryavanshiએ બોક્સ ઓફિસ પર મચાવી ધમાલ, 100 કરોડના ક્લબમાં સામેલ થઈ અક્ષય કુમારની ફિલ્મ

આ પણ વાંચો :- Naacho Naacho Song: RRRનું પહેલું ગીત થયું રિલીઝ, જુનિયર એનટીઆર અને રામ ચરણ ડાન્સ કરતા મળ્યા જોવા