John Abrahamએ Bipasha Basuને વજન ઘટાડવા માટે ભેટ આપી હતી આ વસ્તું, એક્ટ્રેસે કર્યો હતો ખુલાસો

ભલે અભિનેત્રી બિપાશા બસુ (Bipasha Basu) તેમના પતિ કરણ સિંહ ગ્રોવર (Karan Singh Grover) સાથે સુખી લગ્ન જીવન જીવી રહી હોય, પણ એક સમય એવો હતો જ્યારે બિપાશા અને જોન અબ્રાહમ (John Abraham) ના અફેરની ચર્ચા બોલીવુડ કોરિડોરમાં થતી હતી. બંનેએ ‘જિસ્મ’, ‘એતબાર’, ‘મદહોશી’, ‘ગોલ’ જેવી ઘણી ફિલ્મોમાં સાથે કામ કર્યું હતું. બંનેની ઓનસ્ક્રીન કેમિસ્ટ્રીની સાથે સાથે ઓફસ્ક્રીન કેમિસ્ટ્રી પણ હિટ હતી. પરંતુ 9 વર્ષના લાંબા સંબંધ પછી બંનેએ બ્રેકઅપ કર્યું હતું.

જોન અને બિપાશા એક બીજાથી ઘણા ખુશ હતા અને તે લગ્ન પણ કરવા માંગતા હતા. બંનેએ તેમના સંબંધોને ક્યારેય મીડિયાથી નથી છુપાવ્યા. તે જ સમયે, 2005 માં એક ઇન્ટરવ્યુ દરમિયાન, બિપાશાએ જાતે જ તેના અને જોનના સંબંધો વિશે વાત કરી હતી, જેમાં તેમણે કહ્યું હતું કે જન્મદિવસ પર જોને તેમને ટ્રેડમિલ ભેટ આપી હતી. કારણ કે તેમનું વજન ઘણું વધી ગયું હતું.

બિપાશાએ ઇન્ટરવ્યુમાં કહ્યું હતું કે, ‘બંગાળી ફૂડે મને થોડી જાડી બનાવી દિધી હતી. હું એક પછી એક સતત ફિલ્મોમાં કામ કરતી હતી, જેના કારણે હું મારી જાત પર ધ્યાન આપી શકતી ન હતી. શિસ્તના અભાવને કારણે મારું ઘણું વજન વધી ગયું હતું. પછી મને ખ્યાલ આવી ગયો કે મારે મારી જાતને આ રીતે જોવી નથી. તમે તમારી ભૂલોથી શીખો છો, હવે હું વર્કઆઉટ કરું છું. એમ કહી શકો છો કે હું વર્કઆઉટ વિના રહી શકતી નથી.

બિપાશાએ એમ પણ કહ્યું હતું કે, ‘ આનું થોડુક ક્રેડિટ જોનને પણ જાય છે, કારણ કે તે જાણે છે કે મારી પાસે સમય નથી. તેથી જ તેમણે મારા જન્મદિવસ પર મને ટ્રેડમિલ ગિફ્ટ કર્યું હતું. જેથી હું ઘરે વર્કઆઉટ કરી શકું. જોન ખૂબ જ સકારાત્મક છે, મને હમણાં તેમના જેવા મેચ્યોર સાથીની જરૂરત છે. તે જ સમયે, જોન અબ્રાહમ અને બિપાશા બાસુ 9 વર્ષથી એકબીજા સાથે સંબંધમાં હતા. ત્યારબાદ વર્ષ 2014 માં આ બંનેના સંબંધ તૂટી ગયા હતા. આ પછી જોને પ્રિયા રુંચાલ સાથે લગ્ન કરી લીધા હતા અને બિપાશાએ વર્ષ 2016 માં કરણ સિંહ ગ્રોવર સાથે લગ્ન કર્યા હતા.