Tellywood News: આ 13 બાળકની સ્ટોરી કોઈને પણ પ્રેરણા આપી શકે છે, એક ટ્રેનરે બદલ્યું જીવન
ટીવી રિયાલિટી શો 'ઈન્ડિયાઝ ગોડ ટેલેન્ટ'ના (India’s God Talent) બીજા રાઉન્ડમાં પહોંચેલા 'પ્રિન્સ ડાન્સ ગ્રુપ'ના (Prince Dance Group) સભ્યોની વાર્તા સાંભળીને તમને આશ્ચર્ય થશે.
ઓડિશાના દૂરના મલકાનગિરી જિલ્લાના (Malkangiri District) 13 આદિવાસી છોકરાઓના સમૂહે તેમના નૃત્ય કૌશલ્યથી એકવાર સાબિત કર્યું છે કે, જો વ્યક્તિમાં સખત મહેનત અને સમર્પણ હોય તો તે કોઈપણ પરિસ્થિતિમાં પોતાનું લક્ષ્ય હાંસલ કરી શકે છે. અમે વાત કરી રહ્યા છીએ ઓડિશાના ‘પ્રિન્સ ડાન્સ ગ્રુપ’ની (Prince Dance Group). દરેકની ઉંમર 10થી 18 વર્ષની છે. આ જૂથે ટીવીના લોકપ્રિય રિયાલિટી શો ‘ઈન્ડિયાઝ ગોટ ટેલેન્ટ’માં (India’s God Talent) માર્શલ આર્ટ્સ અને ફ્યુઝન ઓફ માર્શલ આર્ટસ એન્ડ ડાન્સમાં (Fusion of Martial Arts & Dance) અદ્ભુત કૌશલ્ય પ્રદર્શન (Amazing Skills) કરીને લાખો લોકોના દિલ જીતી લીધા છે. દરેક વ્યક્તિ તેના શાનદાર પ્રદર્શનના વખાણ કરી રહી છે.
‘સ્વાભિમાન આંચલ’ના બાળકો
મલકાનગીરી જિલ્લાની પહાડીઓમાં રહેતા ‘બોન્ડા’ જાતિના (Bonda Tribe) સકારાત્મક ઉર્જાથી ભરપૂર પ્રિન્સ ડાન્સ ગ્રુપના યુવાનોએ બતાવ્યું છે કે, અત્યંત ગરીબી અને ગ્રામીણ વાતાવરણમાં જીવવા છતાં તેઓ વિશ્વના માહોલમાં પોતાની ઓળખ બનાવી શકે છે. ‘સ્વાભિમાન આંચલ’ના (Swabhimaan Anchal) અનાથ છોકરાઓનું આ જૂથ શોના બીજા રાઉન્ડ માટે ક્વોલિફાય થયું છે.
બિનાશ મિશ્રાની પારખી નજર
આ છોકરાઓમાં છુપાયેલી પ્રતિભાને સૌથી પહેલા તેમના ટ્રેનર બિનાશ મિશ્રાએ (Binash Mishra) ઓળખી હતી. બિનાશાના કહેવા પ્રમાણે, જ્યારે તેણે આ બાળકોની ક્ષમતા જોઈ તો તે બધાને ટ્રેનિંગ સેન્ટરમાં લઈ આવ્યા. એટલું જ નહીં, તેમના રહેવાની વ્યવસ્થા પણ કરી હતી. સમય સાથે, દરેકની પ્રતિભા સુધરી. ઓલ ઓડિશા માર્શલ આર્ટ્સ એસોસિએશને પણ આ છોકરાઓને ટેકો આપ્યો અને ધીમે-ધીમે આ જૂથને રાષ્ટ્રીય સ્તરે ઓળખ મળવા લાગી.
ખૂબ જ પ્રતિભાશાળી બાળકો
આ બાળકો ટેલેન્ટથી ભરપૂર હતા, પરંતુ આર્થિક સ્થિતિને કારણે તેમને મોટું પ્લેટફોર્મ મળી શક્યું ન હતું. આ વખતે કેટલાક પરોપકારીઓની મદદથી કોઈક રીતે રિયાલિટી શોમાં ભાગ લેવા મુંબઈ પહોંચવામાં સફળ રહ્યા. ‘પ્રિન્સ ડાન્સ ગ્રુપ’ના રામ મદકમી કહે છે, ‘અમે ક્યારેય વિચાર્યું ન હતું કે, અમે આટલા આગળ વધીશું. મુંબઈ આવીને અમારી ભાવનાઓને એક નવી પાંખ મળી છે. હવે અમે માત્ર રાષ્ટ્રીય જ નહીં પરંતુ આંતરરાષ્ટ્રીય મંચ પર પણ અમારી પ્રતિભા બતાવવા આતુર છીએ.
બધા બાળકો ખુશ છે
‘પ્રિન્સ ડાન્સ ગ્રુપ’ના તમામ સભ્યો તેમની સફળતા પર ખૂબ જ ખુશ છે. ગ્રૂપમાં સામેલ નકુલ કિરસાણી કહે છે કે, હાલ અમે આગળના રાઉન્ડ માટે પૂરા દિલથી પ્રેક્ટિસ કરી રહ્યા છીએ. બીજી તરફ, અર્જુન ખરા એક સ્વપ્ન જેવું અનુભવી રહ્યો છે. અર્જુન કહે છે, ‘મેં ક્યારેય વિચાર્યું ન હતું કે તે અહીં પહોંચશે. આ બધું તેમના ટ્રેનર બિનાશ સરના કારણે શક્ય બન્યું છે. અમે આગામી રાઉન્ડમાં સારો દેખાવ કરીશું.
આ પણ વાંચો: Bollywood: સુરભી જ્યોતિને જજ કરતા હતા કો-સ્ટાર્સ, અભિનેત્રીએ પોતાનું દર્દ કર્યુ વ્યક્ત
