Karishma Tanna Wedding: અભિનેત્રી કરિશ્મા તન્ના (Karishma Tanna) તેના લગ્નને લઈને ખૂબ જ ઉત્સાહિત છે. કરિશ્મા 5 ફેબ્રુઆરીએ તેના લાંબા સમયના બોયફ્રેન્ડ વરુણ બંગેરા (Varun Bangera) સાથે સાત ફેરા લેવા જઈ રહી છે. હાલમાં, કરિશ્મા તન્ના (Karishma Tanna and Varun Bangera Wedding) એ તેના ફેન્સ સાથે તેના લગ્ન વિશે કોઈ માહિતી શેર કરી નથી, પરંતુ કેટલાક મીડિયા રિપોર્ટ્સમાં તેના લગ્ન વિશે સતત અપડેટ્સ આપવામાં આવી રહી છે. દરમિયાન TOIએ તેના એક અહેવાલમાં જણાવ્યું છે કે, કરિશ્મા તન્ના તેના લગ્નની વિધિઓ બે રીતે કરવા જઈ રહી છે.
કરિશ્મા ગુજરાતી હોવાથી વરુણ દક્ષિણ ભારતીય હોવાથી લગ્નની વિધિ ગુજરાતી અને દક્ષિણ ભારતીય શૈલીમાં કરવામાં આવશે. વરુણ કર્ણાટકના બેંગ્લોરનો છે, તેથી કરિશ્મા તન્ના ઈચ્છે છે કે, તે તેની મંગેતર વરુણની બાજુની વિધિઓને પણ તેના લગ્નનો એક ભાગ બનાવે. રિપોર્ટમાં કરિશ્મા તન્નાના એક મિત્રને ટાંકીને કહેવામાં આવ્યું છે કે, કરિશ્મા તન્ના છેલ્લા કેટલાક સમયથી તેના લગ્નના કપડાંની યોજના બનાવી રહી છે.
કરિશ્મા તન્ના તેના ભાવિ પતિ અને સાસરિયાઓ માટે કંઈક ખાસ કરવા માંગે છે. તેથી તેણે કાંજીવરમ સાડી લીધી છે, જેના પર સોનાની ભરતકામ છે. આ સાથે તેણીએ તેના દેખાવને સંપૂર્ણ બનાવવા માટે દક્ષિણ ભારતીય શૈલીના ઘરેણાં પણ લીધા છે. તેણી વિદાય પછી આ સાડી પહેરશે, જ્યારે તેણી તેના નવા ઘરમાં પગ મૂકશે. આ લગ્ન ગુજરાતી અને દક્ષિણ ભારતીય બંને રીત રિવાજ મુજબ થવાના છે.
કરિશ્મા અને વરુણ મુંબઈમાં લગ્ન કરવાના છે. કરિશ્મા અને વરુણે ભવ્ય લગ્નનું આયોજન કર્યું હતું. સૂત્રોને ટાંકીને TOI અહેવાલમાં જણાવાયું છે કે, તાજેતરની કોવિડ પરિસ્થિતિને ધ્યાનમાં રાખીને કરિશ્મા અને વરુણ માટે બીગ ફેટ વેડિંગ કરવાનું શક્ય નથી. કોવિડ નિયમોને અનુસરીને લગ્નની સૂચિમાં હાજર મહેમાનોને ઘટાડીને આ સૂચિ ફક્ત 50 મહેમાનો સુધી મર્યાદિત કરવામાં આવી છે.
તમને જણાવી દઈએ કે, દોઢ વર્ષ પહેલા કરિશ્મા અને વરુણ એક કોમન ફ્રેન્ડની પાર્ટીમાં મળ્યા હતા. બંને મિત્રો બન્યા અને પછી એકબીજાને ડેટ કરવા લાગ્યા. બંનેએ 12 નવેમ્બર 2021ના રોજ સગાઈ કરી હતી.
આ પણ વાંચો: BECIL Recruitment 2022: સુપરવાઈઝર અને ઈન્વેસ્ટિગેટર પોસ્ટ પર નોકરી મેળવવાની તક, જાણો કેવી રીતે કરવી અરજી
આ પણ વાંચો: IIT Roorkee MBA Admission 2022: IIT રૂરકીમાં મેનેજમેન્ટ કોર્સ માટે પ્રવેશ શરૂ, જાણો કેવી રીતે કરવી અરજી