ટીવી એક્ટ્રેસ દેબિના બેનર્જી (Debina Bonnerjee) અને ગુરમીત ચૌધરીએ (Gurmeet Chaudhary) પણ પોતાના ફેન્સને ખુશખબર આપી છે. દેબિના બેનર્જી હવે બીજા બાળકની માતા બનવા જઈ રહી છે. તમને જણાવી દઈએ કે માત્ર 4 મહિના પહેલા જ દેબિના બેનર્જીએ પોતાના પહેલા બાળકને જન્મ આપ્યો હતો. દેબિનાએ એક સોશિયલ મીડિયા પોસ્ટ દ્વારા પોતાની પ્રેગ્નન્સી વિશે જણાવ્યું છે. તેની આ જાહેરાત બાદ ફેન્સને પણ થોડા હેરાન થશે. પોતાની પ્રેગ્નન્સી વિશે જણાવતા દેબિનાએ ફોટો પણ શેર કર્યો છે. પરંતુ કપલ તેમના બીજા સંતાનને લઈને ખૂબ જ ખુશ છે.
ટીવીની ફેમસ એક્ટ્રેસ દેબિના બેનર્જીએ પોતાની બીજી પ્રેગ્નન્સીની જાહેરાત કરી છે. દેબિનાએ આને લગતી એક પોસ્ટ પણ ઈન્સ્ટાગ્રામ પર શેર કરી છે. ફોટામાં દેબિના તેના પતિ ગુરમીત ચૌધરીને ગળે લગાવતી જોવા મળી રહી છે. સાથે જ તેના હાથમાં સોનોગ્રાફી પણ છે. ગુરમીત ચૌધરીએ તેના ખોળામાં તેની પુત્રી લિયાનાને પકડી રાખી છે. આ ફોટો શેર કરતી વખતે તેણે કેપ્શન પણ આપ્યું છે.
દેબિનાએ લખ્યું, ‘કેટલાક નિર્ણય યોગ્ય સમયે લેવામાં આવે છે. તેમને કોઈ બદલી શકતું નથી. તે એક આશીર્વાદ છે.. અમને પૂરા કરવા માટે ટૂંક સમયમાં જ બેબી નંબર 2 આવી રહ્યું છે.’ દેબિના અને ગુરમીત માત્ર ચાર મહિના પહેલા માતાપિતા બન્યા હતા. બંનેના લગ્ન લગભગ 11 વર્ષ પહેલા થયા હતા.
દેબિનાએ આ વર્ષે 3 એપ્રિલે પોતાના પહેલા બાળકને જન્મ આપ્યો હતો. આ કપલના ઘરે એક પુત્રીનો જન્મ થયો, જેનું નામ લિયાના રાખ્યું. દેબિના લાંબા સમયથી પ્રેગ્નન્સી માટે ટ્રાય કરી રહી હતી. પહેલા બાળક માટે દેબિનાને ઘણી મુશ્કેલીઓનો સામનો કરવો પડ્યો હતો. તે પહેલી પ્રેગ્નન્સી માટે 5 વર્ષથી કોશિશ કરી રહી હતી. પરંતુ વારંવાર તેને કોમ્પલિકેશનમાંથી પસાર થવું પડતું હતું. 5 વખત તે આ પ્રોસેસમાં નિષ્ફળ ગઈ. તેણે 2 IVF અને ત્રણ IUIs ટ્રીટમેન્ટ ફોલો કર્યા હતા. દેબિના ઘણી થેરાપીઓમાંથી પણ પસાર થઈ હતી. પ્રેગ્નન્ટ ન હોવાને કારણે દેબિના ઘણી વખત રડી હતી. આખરે લગ્નના 11 વર્ષ બાદ દેબીનાને માતા બનવાનું સુખ મળ્યું. તે 3 એપ્રિલ 2022ના રોજ પહેલી વખત માતા બની હતી. પહેલા બાળકના 4 મહિના પછી જ દેબિનાને બીજી વખત માતા બનવાનો મોકો મળ્યો છે.
ગુરમીત ચૌધરીએ વર્ષ 2008માં ટીવી સીરિઝ ‘રામાયણ’માં કામ કર્યું હતું. તેણે ભગવાન રામનું પાત્ર ભજવ્યું હતું અને તેની સાથે સીતાની ભૂમિકામાં દેબીના બેનર્જી હતી. આ બંનેની જોડીને દર્શકોએ ખૂબ પસંદ કરી હતી. આ દરમિયાન બંને એકબીજાના પ્રેમમાં પડ્યા હતા. થોડા સમય પછી જ તેણે લગ્ન કરી લીધા. હાલમાં આ કપલ ખૂબ જ ખુશ છે.