અબ્દુ રોજિક બિગ બોસ 16 ના ઘરમાં પ્રવેશ્યો, જેનાથી પરિવારના તમામ સભ્યો ખૂબ ખુશ થયા. બિગ બોસે ઘરના સભ્યોને ક્રિસમસની આ શાનદાર ભેટ આપી છે. જેના કારણે ફેન્સ અને પરિવારના સભ્યોના ચહેરા પર સ્મિત હતું. જો કે, આ વખતે અબ્દુ અલગ અંદાજમાં બીબીના ઘરે પહોંચ્યો, જેના કારણે સાજિદ ખાન અને નિમ્રિત કૌર અહલુવાલિયા નાખુશ દેખાઈ રહ્યા હતા. અબ્દુ શિવ ઠાકરે અને એમસી સ્ટેન સાથે સમય વિતાવતો જોવા મળ્યો હતો. શોમાં નિમ્રિત કેપ્ટનના રૂમમાં શ્રીજીતા સાથે અબ્દુ વિશે વાત કરતી જોવા મળશે. આ સાથે જ ઘરમાં નવા સભ્યનો પ્રવેશ થવાનો છે. જેનો વીડિયો સોશિયલ મીડિયા પર વાયરલ થઈ રહ્યો છે.
નિમ્રિત શ્રીજીતા ડે સાથે અબ્દુ રોજિક વિશે વાત કરે છે અને કહે છે કે તેણે તેનો મિત્ર ગુમાવ્યો છે. આ પછી શ્રીજીતા પણ નિમ્રિતને હા કહેતી જોવા મળી હતી. આ પછી બિગ બોસ પરિવારના તમામ સભ્યોને લિવિંગ એરિયામાં બોલાવે છે. બિગ બોસ ઘરના તમામ સભ્યોને પૂછે છે કે તેમના પાલતુ જાનવરને કોણ કોણ યાદ કરે છે? આ સાંભળીને ટીના, શાલીન, નિમ્રિત, વિકાસ અને સૌંદર્યા બૂમો પાડવા લાગે છે અને હાથ ઊંચા કરે છે.
બિગ બોસ પરિવારના સભ્યોની ઈચ્છા પૂરી કરવાની વાત કરે છે. આ સાંભળીને બધા સભ્યો ખુશ થઈ ગયા, પરંતુ આ પછી કંઈક એવું થયું જેણે પરિવારના બધા સભ્યોને આશ્ચર્યમાં મૂકી દીધા. ઘરમાં એક નવો સભ્ય દાખલ થયો. જેનું નામ માહિમ… આ નવો સભ્ય માણસ નહિ પણ કૂતરો હતો, જેનું નામ માહિમ છે. બિગ બોસના ઘરમાં માહિમની એન્ટ્રી જોઈને તમામ સ્પર્ધકો જોર જોરથી ચીસો પાડવા લાગ્યા. જોકે થોડા સમય પછી બધા તેની સાથે રમતા જોવા મળે છે. આ અઠવાડિયે યોજાનારી નોમિનેશનની ઝલક પણ પ્રોમોમાં જોવા મળી હતી.
Published On - 3:39 pm, Tue, 27 December 22