તામિલનાડુ સરકારે કોમેડિયન એક્ટર વિવેકના નામ પર રોડનું કર્યું નામકરણ, અનોખી શ્રદ્ધાંજલિ આપવામાં આવી

તમિલ ફિલ્મ ઇન્ડસ્ટ્રીમાં (Tollywood) અભિનેતા વિવેકનું (Actor Vivek) નામ ખુબ સન્માનપૂર્વક લેવામાં આવે છે. ગ્રેટર ચેન્નઈ કોર્પોરેશન (Chennai) દ્વારા વિરુગમ્બક્કમના રસ્તાનું નામ બદલીને ચિન્ના કલાઈવાનર વિવેક રોડ કરવામાં આવ્યું છે. પ્રખ્યાત અભિનેતા વિવેક આ વિસ્તારમાં રહેતો હતો. થોડા સમય પહેલા તમિલ ફિલ્મ અભિનેત્રી સિમરને તમિલનાડુના મુખ્યમંત્રી એમ.કે. સ્ટાલિનનો આભાર માન્યો છે. દિવંગત તમિલ અભિનેતા અને પદ્મશ્રી એવોર્ડ વિજેતા અભિનેતા વિવેકનું કાર્ડિયાક અરેસ્ટને કારણે નિધન થયું હતું. તેમણે પોતાના શાનદાર અભિનયથી બધાના દિલ જીતી લીધા હતા. અભિનેત્રી સિમરને આ જાહેર માર્ગ પર વિવેકના નામના નવા બોર્ડની તસવીર શેર કરી છે.

આ ફોટો સાથે તેણે લખ્યું કે ‘આ સ્વ. વિવેક સરને યોગ્ય શ્રદ્ધાંજલિ છે, આભાર એમકે. સ્ટાલિન સર.’ અભિનેતા વિવેક એક મહાન હાસ્ય કલાકાર તેમજ મહાન પર્યાવરણવાદી હતા. સ્વર્ગસ્થ રાષ્ટ્રપતિ એ.પી.જે. અબ્દુલ કલામની સલાહ પર તેમણે ગ્લોબલ વોર્મિંગ સામે લડવા માટે એક કરોડ વૃક્ષોના રોપા વાવવાનું મિશન શરૂ કર્યું. આ મહાન હાસ્ય કલાકાર 1 કરોડમાંથી 33.23 લાખ વૃક્ષોના રોપા વાવવામાં સફળ રહ્યા હતા.

હાસ્ય કલાકાર સમાજને જાગૃત કરતા હતા

એક અઠવાડિયા પહેલા, અભિનેતા વિવેકની પત્ની અરુલસેલ્વી તેમના બાળકો સાથે તમિલનાડુના મુખ્ય પ્રધાન એમકે સ્ટાલિનને મળી હતી, જે દરમિયાન, તેમણે એક અરજી દાખલ કરી હતી. જેમાં તેમના રહેણાંક વિસ્તારમાં તેમના જાહેર માર્ગનું નામ તેમના પતિના નામ પર રાખવાની વિનંતી કરી હતી. વિવેકે પોતાના અભિનયની સાથે સામાજિક જાગૃતિ માટે કોમેડીનો પણ ઉપયોગ કર્યો હતો. સામાજિક જાગૃતિ સાથે કોમેડી એક્ટ રજૂ કરનાર વિવેકને 17 એપ્રિલ, 2021ના ​​રોજ 59 વર્ષની ઉંમરે, તેમને ‘ચિન્ના કલાઈવાનર’ પુસ્તકથી સન્માનિત કરવામાં આવ્યા હતા.

રજનીકાંતને પણ યાદ કરવામાં આવ્યા

રજની કાંત, કમલા હાસન, મોહનલાલ, ગાયિકા ચિન્મયી શ્રીપદા, શ્રુતિ હાસન અને રકુલ પ્રીત સિંહ જેવી ઘણી હસ્તીઓએ અભિનેતા વિવેકના નિધન પર શોક વ્યક્ત કર્યો હતો. સુપરસ્ટાર રજનીકાંત, જેમણે વિવેક જે સાથે ‘શિવાજી: ધ બોસ’ અને ‘મૈથિલ ઉપાધિ વેંદમ’ જેવી ફિલ્મોમાં કામ કર્યું હતું, તેણે ટ્વીટ કર્યું કે “જુનિયર થલાઈવર, સામાજિક કાર્યકર્તા અને મારા નજીકના મિત્ર, વિવેકના નિધનથી હું ખૂબ જ દુઃખી છું. શિવાજીની શૂટિંગ દરમિયાન મેં તેમની સાથે વિતાવેલો સમય હું ક્યારેય પણ ભૂલી શકું તેમ નથી.”

આ પણ વાંચો – બોલીવુડમાં કપૂર ખાનદાને અત્યાર સુધીમાં કેટલી ફિલ્મો કરી છે ખબર છે? ન જાણતા હોવ તો વાંચો આ વિગત