તાપસી પન્નુએ કંગનાને કેમ કહ્યું – આભાર? કંગનાએ તાપસીને આપ્યો આવો મજેદાર જવાબ
સોશિયલ મીડિયામાં ઘણી વાર લડતા ઝગડતા તાપસી અને કંગના પ્રેમના સૂરમાં જોવા મળી રહ્યા છે. અને તેને લઈને હવે ચર્ચાઓ ગહન બની છે.
બોલીવુડની ‘પંગા ગર્લ’ એટલે કે કંગના રનૌત અને તાપસી પન્નુ બંને ઘણીવાર સોશિયલ મીડિયા પર એકબીજા સાથે લડવાના મૂડમાં જોવા મળે છે. સોશિયલ મીડિયા પર બંને અભિનેત્રીઓ વચ્ચે એક વીડિયો સામે આવ્યો છે, જેમાં તાપસી બોલીવુડની અભિનેત્રી કંગના રનૌતને સ્ટેજ પર થેંકયુ કહેતી નજરે પડે છે. આ વીડિયો જોયા પછી ‘થલાઈવી’ પોતાને રોકી ન શકી અને તેણે વીડિયો સાથે ટ્વિટર પર પોતાની પ્રતિક્રિયા આપી.
ખરેખર, તાપસી પન્નુને તેની ફિલ્મ ‘થપ્પડ’ માટે 2021 માં બેસ્ટ એક્ટ્રેસનો ફિલ્મફેર એવોર્ડ મળ્યો છે. આ એવોર્ડ જીત્યા પછી, તાપસીએ સ્ટેજ પર એક ભાષણ આપ્યું અને કેટલાક લોકોને આભાર માન્યો. તાપસીની યાદીમાં દીપિકા પાદુકોણ, જ્હાનવી કપૂર, વિદ્યા બાલન સાથે કંગનાનું નામ પણ શામેલ છે. તે બધા આ એવોર્ડ માટે નામાંકિત હતા.
તાપસી પન્નુનો આ વીડિયો થોડા જ સમયમાં સોશિયલ મીડિયા પર વાયરલ થયો હતો. તાપસી સાથે કંગનાના ચાહકોએ પણ આ વીડિયોને ખૂબ જ ઝડપથી શેર કરવાનું શરૂ કર્યું. દરમિયાન, આ વીડિયોને શેર કરતી વખતે એક સોશ્યલ મીડિયા યુઝરે કંગનાને પણ ટેગ કરી હતી. બાદમાં કંગનાએ લખ્યું – ‘આભાર તાપસી, વિમલ ઈલાઈચી ફિલ્મફેર એવોર્ડ માટે તુ હકદાર છે. તારા કરતા વધુ કોઈ તેને લાયક નથી.’
કંગનાનો આ જવાબ જોઈને લોકો હવે બે પ્રકારના કામ કરી રહ્યા છે. કેટલાક લોકો વિચારી રહ્યા છે કે કદાચ બંને વચ્ચે બધુ બરાબર થઈ ગયું, અને કંગનાએ તેની ખાનદાની બતાવી. તે જ સમયે, કેટલાક એવા પણ છે જે કંગનાના જવાબને કટાક્ષ તરીકે લઇ રહ્યા છે.
ચાલો તમને જણાવી દઈએ કે કંગનાએ તાજેતરની એક પોસ્ટમાં ઉલ્લેખ કર્યો હતો કે બોલિવૂડની કોઈ પણ અભિનેત્રીઓ તેના કામની પ્રશંસા નથી કરતી. જ્યારે તેણે આલિયા, દીપિકા, કરીના સહિત અનેક અભિનેત્રીઓની પ્રશંસા કરી છે.
View this post on Instagram
આ પણ વાંચો: TTD મંદિર બોર્ડનો દાવો – આ જગ્યાએ છે ભગવાન હનુમાનનું જન્મસ્થળ, ટૂંક સમયમાં રજૂ કરશે પુરાવા
આ પણ વાંચો: બાળકો માટે વધુ જોખમી કોરોનાની નવી લહેર? જો આ લક્ષણો તમારા બાળકમાં દેખાય તો તરત જ ટેસ્ટ કરાવો