ભારતની પોપ્યુલર સિંગર સુનિધિ ચૌહાણ અને શાલમલી ખોલગડેનું તાજેતરનું ગીત ‘હિયર ઈઝ બ્યુટિફુલ’ ખૂબ જ ઝડપથી વાયરલ થઈ રહ્યું છે અને તે આખી દુનિયામાં ગીતને ખુબ સાંભળવામાં આવી રહ્યું છે. આ ગીતની લોકપ્રિયતા જોઈને બંનેને ન્યૂયોર્કના મેનહટનમાં સ્થિત મેન એલિટ ટાઈમ્સ સ્ક્વેર બિલબોર્ડની સ્ક્રીન પર બતાવવામાં આવ્યા છે.
સુનિધિ ચૌહાણ અને શાલમલી ખોલગડેની આ જોડી ગ્લોબ મ્યુઝિક પ્રોગ્રામ ‘સ્પોટિફાઈ ઇક્વલનો ભાગ બનનારી એકમાત્ર ભારતીય ગાયકો હતી, જે મહિલા ગાયકો માટે ઈક્વિટીની અપીલ કરે છે. આ વિશે બોલતા શાલમલીએ કહ્યું કે, આ ઉજવણીનો સમય નથી, જ્યારે આપણી આસપાસ ઘણું નુકસાન થઈ રહ્યું છે. તેમણે ટાઈમ્સ સ્ક્વેરનું સ્વપ્ન પણ જોયું ન હતું, તેથી આ તેનું સ્વપ્ન સાચું થાય તે ઉપરની વાત છે.
સ્વપ્ન સાચું થાય તેના કરતાં ઘણું વધુ
આ ઉપલબ્ધી વિશે વાત કરતાં શાલમલી ખોલગડેએ કહ્યું, “આ સમયે ઉજવણી કરવાનો સમય નથી, જ્યારે ચારે બાજુ ઘણું દુ:ખ, નુકસાન અને પીડા હોય. મેં ટાઈમ સ્ક્વેર બિલબોર્ડ પર મારો ચહેરો હોવાનું સપનું પણ નહોતું જોયુ, તેથી આ મારું સપનું સાચું થવાથી એક સ્તર ઉપર છે. પછી, એ જાણવા માટે મેં ઈંગ્લિશ ઈન્ડિપેન્ડેન્ટ મ્યુઝિકની દુનિયામાં શરૂઆત કરી છે, હું આગળ વધવા માટે ઉત્સાહિત છું. ”
અપેક્ષાઓથી ભરી દે છે આ ક્ષણ
બીજી તરફ સુનિધિએ કહ્યું, “જ્યારે અમે ઘર પર અહિં આ ભયાનક સમયમાં લડીએ છીએ, ત્યારે ટાઈમ્સ સ્ક્વેર ન્યૂયોર્કના પર અમારા ગીત ‘હિયર ઈઝ બ્યુટીફુલ’ માટેનો આ પ્રેમ જોઈને ઉમ્મીદો સાથે મારું દિલ ભરાઈ જાય છે. અમને ખબર નહોતી, શાલમલી અને મેં, આ બેડરૂમ પ્રોજેક્ટ પર અમે ચર્ચા કરી અને લોકડાઉન દરમિયાન જ્યારે અમે ક્યારેક અમારા મનપસંદ કાફેમાં કોફી માટે મળતા હતા તો એક જીવન અને પોતાની જર્ની દેખાઈ દેતી હતી!”
ગર્વથી હસીએ
સુનિધિએ આગળ કહ્યું, “આ તે ગીત છે જે અમને વિશ્વભરમાં લઈ જઈ રહ્યું છે, જ્યારે અમે અહીં ગર્વથી હસતાં બેઠાં છીએ. આપણે બધા આવી રીતે સુખદ આશ્ચર્ય પામી શકીએ છીએ!”
આ પણ વાંચો: Simi Garewalએ જો બાઈડેનની સાથે મમતા બેનર્જીની તુલના કરી, કહ્યું- ‘ બંનેનાં પગ ફ્રેક્ચર થયા, બંને જીત્યા’