બોલીવૂડ એક્ટ્રેસ શિલ્પા શેટ્ટી (Shilpa Shetty) હાલમાં ખરાબ સમયમાંથી પસાર થઇ રહી છે. શિલ્પાના પતિ રાજ કુન્દ્રાની (Raj Kundra) અશ્લીલ ફિલ્મો બનાવવાના ગુનામાં ધરપકડ કરવામાં આવી છે. તે આ સમયે જેલમાં બંધ છે. રાજની ધરપકડ બાદ શિલ્પા પોતાની જાતને સંભાળવાના પ્રયત્નો કરી રહી છે. તેમણે કામ પર વાપસી કરી લીધી છે અને પોતાની જાતને પોઝીટીવ રાખવાના પ્રયત્નો કરી રહી છે. આ વચ્ચે જ તેણે એક પોસ્ટ શેયર કરી છે.
શિલ્પા શેટ્ટીને પોઝીટીવ બુક્સ વાંચવાનો શોખ છે તે ઘણી વાર પોઝીટીવ કોટ પોતાના ફેન્સ માટે શેયર કરતી હોય છે. આ વખતે પણ એણે એક પોસ્ટ કરી છે જેમાં તેણે સમય વિતી જવા વિશે કીધુ છે. શિલ્પાએ પોતાની ઇન્સ્ટાગ્રામ સ્ટોરી પર કોટ શેયર કરતા લખ્યુ કે, દરેક પળને જીવો. આ પોસ્ટમાં લખ્યુ છે કે, હુ પોતાની જંદગીમાંથી કેટલો સમય કાઢુ. હુ દરેક પળને સંપૂર્ણ પણે જીવીશ.
સોશિયલ મીડિયા પર થઇ એક્ટિવ
શિલ્પા શેટ્ટી પોતાના કામ પર પરત આવી ચૂકી છે. તે ડાન્સ રિયાલીટી શો સુપર ડાન્સર ચેપ્ટર 4 માં જજ તરીકે ફરીથી જોવા મળી રહી છે. શિલ્પાને કામ પર ફરીથી જોઇને તેના ફેન્સ ખુશ છે. સાથે જ તે સોશિયલ મીડિયા પર એક્ટિવ પણ રહેવા લાગી છે. હાલમાં જ શિલ્પાએ પોતાનો યોગા કરતો વીડિયો શેયર કર્યો હતો. આ વીડિયોને શેયર કરતા તેણે લખ્યુ હતુ કે, યોગ મારા માટે સકારાત્મક, કેન્દ્રિત અને સંતુલિત રહેવાનો શ્રેષ્ઠ ઉપાય છે. શિલ્પાનો આ વીડિયો પોસ્ટ થતા જ વાયરલ થઇ ગયો. ફેન્સ તેમના પોતાની જાતને પોઝીટીવ રાખવાના ઉપાયથી ખૂબ ઇમ્પ્રેસ થયા.
તમને જણાવી દઇએ કે, રાજ કુન્દ્રાની 19 જુલાઇના રોજ મુંબઇથી ક્રાઇમ બ્રાંચ પોલીસે અશ્લીલ વીડિયો બનાવવાના આરોપમાં ધરપકડ કરી હતી. આ સમયે તે કસ્ટડીમાં છે. મુંબઇ પોલીસનું કહેવુ છે કે જે કેસમાં તેમની ધરપકડ કરવામાં આવી છે તે કેસ ખૂબ મજબૂત છે. એજ કારણ છે કે કુન્દ્રાના વકીલ પણ તેમને જામીન અપાવવામાં નિષ્ફળ સાબિત થયા. પોલીસનું કહેવુ છે કે જો તેમને જામીન મળ્યા તો તે દેશ છોડીને ભાગી શકે છે અને પુરાવાઓને નષ્ટ પણ કરી શકે છે.
Published On - 9:45 am, Thu, 26 August 21