Rani Mukerji Net Worth : રાની મુખર્જી (Actress Rani Mukerji) બોલિવૂડની પ્રતિભાશાળી અભિનેત્રીઓમાંની એક છે. તેણે પોતાના કરિયરમાં એકથી વધુ મોટી અને હિટ ફિલ્મો આપી છે. રાનીની હિટ ફિલ્મો અને તેના ઉત્કૃષ્ટ અભિનયને કારણે તે બોલિવૂડની ટોપ પેઇડ અભિનેત્રીઓમાંની એક છે. રાનીએ છેલ્લા કેટલાક સમયથી ફિલ્મોમાં કામ કરવાનું બંધ કરી દીધું છે. તેમ છતાં તે જબરદસ્ત કમાણી કરી રહી છે. આજે રાનીના જન્મદિવસ (Rani Mukerji Birthday) પર અમે તમને તેની નેટવર્થ, તેની લક્ઝરી કાર અને ઘર વિશે જણાવીશું. ‘IBTimes’ના એક રિપોર્ટ અનુસાર, રાનીની કુલ સંપત્તિ 12 મિલિયન USD (લગભગ 90 કરોડ રૂપિયા) છે.
રાની પાસે ઘણા લક્ઝરી વાહનો છે. જેમાં Audi A8 W12, Mercedes Benz E ક્લાસ અને મર્સિડીઝ S ક્લાસનો સમાવેશ થાય છે. આ વાહનોની કિંમત કરોડોમાં છે.
જોકે રાની પતિ આદિત્ય સાથે રહે છે, પરંતુ અભિનેત્રીએ અલગથી પ્રોપર્ટી પણ લીધી છે. રાનીએ મુંબઈ અને અન્ય ઘણી જગ્યાએ પ્રોપર્ટીમાં પણ રોકાણ કર્યું છે.
રાનીનો જન્મ ફિલ્મ સ્ટાર્સના(Film Stars) ઘરે થયો હતો, જેના કારણે રાનીનું મન પણ ફિલ્મી દુનિયામાં (Bollywood Film) વ્યસ્ત થઈ ગયું હતું. રાનીએ પ્રથમ બંગાળી ફિલ્મમાં અભિનય કર્યો હતો જે તેના પિતા રામ મુખર્જીની હતી. આ પછી રાનીએ ‘રાજા કી આયેગી બારાત’ ફિલ્મથી હિન્દી સિનેમામાં ડેબ્યુ કર્યું. પહેલી જ ફિલ્મથી રાનીએ દર્શકોના દિલ જીતી લીધા હતા. ત્યારબાદ રાનીએ ગુલામ, કુછ કુછ હોતા હૈ અને મહેંદી જેવી હિટ ફિલ્મોમાં કામ કર્યું.
રાનીએ વર્ષ 2011 પછી ફિલ્મોમાં કામ કરવાનું બંધ કરી દીધું હતું. પરંતુ બાદમાં તેણે મર્દાની જેવી હિટ ફિલ્મ આપી જે વર્ષ 2014માં રિલીઝ થઈ હતી. આ ફિલ્મ પછી રાનીએ 4 વર્ષનો બ્રેક લીધો અને પછી વર્ષ 2018માં ફિલ્મ હિચકીમાં જોવા મળી. વર્ષ 2019માં તે ફરીથી ફિલ્મ મર્દાની 2માં જોવા મળી હતી અને તે પછી તે વર્ષ 2021 માં એટલે કે ગયા વર્ષે ફિલ્મ ‘બંટી ઔર બબલી 2’ માં જોવા મળી હતી. પરંતુ આ ફિલ્મ કંઈ ખાસ કમાલ ન કરી શકી. હવે રાની મિસિસ ચેટર્જી વર્સિસ નોર્વે ફિલ્મમાં જોવા મળશે.
Published On - 1:48 pm, Mon, 21 March 22