બોલિવૂડ એક્ટર રાજકુમાર રાવ પોતાના પાત્રોને સારી રીતે નિભાવા માટે અને તે પાત્રોને સારી રીતે અપનાવવા માટે જાણીતા છે. હાલમાં તે તેમની આગામી કોમેડી-ડ્રામા ફિલ્મ બધાઇ દો ની તૈયારી કરી રહ્યા છે. તે તેમની આગામી ફિલ્મ માટે શરીરમાં ભારે ફેરફાર કરતા જોવામાં આવ્યા હતા એટલે કે તેમણે પોતાનું ટ્રાન્સફોર્મેશન કર્યુ છે. રાજકુમાર રાવે હાલમાં જ પોતાના ઇન્સ્ટાગ્રામ હેન્ડલ પર શર્ટલેસ ફોટો શેર કર્યો છે. તે ફોટો તેમના શરીરને ફ્લોન્ટ કરતા જોવા મળે છે. તેમણે જીમમાં પોઝ આપતી વખતે ક્લિક કર્યું અને શેર કરતી વખતે એક સુંદર નોંધ શેર કરી.
ચાલો તમને જણાવી દઈએ કે રાજકુમાર રાવ ફિલ્મ ‘બધાય દો’ માં પોલીસની ભૂમિકા નિભાવી રહ્યા છે. જેનું નામ શાર્દુલ ઠાકુર છે. રાજકુમારે શાર્દુલની ભૂમિકામાં આવવા માટે ખૂબ મહેનત કરી છે. રાજકુમારે ફોટો શેર કરતાં લખ્યું કે, બધાઈ દોમાં ‘શાર્દુલ ઠાકુર. શાકાહારી હોવાના લીધે અને કોઈપણ સ્ટીરોઇડનો ઉપયોગ કર્યા વિના, આવું ટ્રાન્સફોર્મેશન કરવું સરળ નહોતું. પરંતુ જ્યારે તમે કોઈ વસ્તુને પ્રેમ કરો છો, ત્યારે કંઇ પણ અશક્ય નથી. બધાઈ દો એ એવી ફિલ્મ છે જે મારા હૃદયની ખૂબ નજીક છે.
ફિલ્મ બધાય દો એ આયુષ્માન ખુરાના, નીના ગુપ્તા અને ગજરાજ રાવની ફિલ્મ બધાઈ હોનો આગળનો ભાગ છે. આયુષ્માન ખુરનાની ફિલ્મ બધાય હો વર્ષ 2018 માં રિલીઝ થઈ હતી. આ ફિલ્મ બોક્સ ઓફિસ પર સુપરહિટ સાબિત થઈ. આ દરમિયાન રાજકુમાર રાવ અને ભૂમિ પેડનેકરે તેમની ફિલ્મ બધાઇ દોનું શૂટિંગ પૂર્ણ કરી લીધું છે. આ ફિલ્મનું દિગ્દર્શન હર્ષવર્ધન કુલકર્ણીએ કર્યું છે. ફિલ્મની વાર્તા અક્ષત ધિલ્ડિયાલ અને સુમન અધિકારીએ લખી છે. બદાઈ દો જંગલી પિક્ચર્સના બેનર હેઠળ આવી રહી છે.
Published On - 1:15 pm, Sat, 13 March 21