પબ્લિસિટી સ્ટન્ટ માટે કઈ પણ! ‘SRK ફિલ્મ સાઈન નહીં કરે ત્યાં સુધી અહિયાંથી નહીં જઉં’

પબ્લિસિટી માટે લોકો અલગ અલગ પ્રકારની રીતો અપનાવતા હોય છે. બોલીવૂડ અને ફિલ્મ જગતથી પબ્લીસીટી માટેની અવાર નવાર ખબરો આવતી રહે છે. આવી જ એક ઘટના ઘટી છે શાહરુખ ખાનના ઘરની બહાર. બેંગ્લોરનો એક ફ્રિલાન્સ ફિલ્મ મેકર જયંત સિગ્ગી કેટલાક દિવસથી શાહરૂખ ખાનના ઘરની બહાર જોવા મળી રહ્યો છે. કહેવામાં આવી રહ્યું છે કે આ વ્યક્તિએ નવા વર્ષનો અજીબ સંકલ્પ લીધો છે અને એ સંકલ્પ છે, શાહરૂખ ખાન સાથે ફિલ્મ બનાવવાનો.

30 ડિસેમ્બરથી શાહરૂખના ઘર આગળ બેઠો છે

જયંત સિગ્ગીએ હ્યુમન્સ ઓફ બોમ્બે સાથે વાત કરતા એક ઈન્ટરવ્યુંમાં જણાવ્યું હતું કે “જ્યારે ઓગસ્ટમાં હું શાહરુખને મળ્યો હતો ત્યારે એમને જણાવ્યું હતું કે ઝીરો બાદ એમને કોઈ ફિલ્મ સાઈન નથી કરી, ત્યારે મેં વિચાર્યું કે હું SRK સાથે ફિલ્મ બનાવીશ.”

મેં વિચાર્યું કે હું SRK સાથે ફિલ્મ બનાવીશ

જયંત સિગ્ગી મુંબઈ આવી ગયો અને 30 ડિસેમ્બરથી શાહરૂખના ઘર આગળ બેઠો છે. કહેવામાં આવી રહ્યું છે કે મન્નતના સિક્યોરિટી ગાર્ડ સાથે પણ તેમની મિત્રતા થઇ ગઈ છે. આ વ્યક્તિએ પોતાના પ્રોજેક્ટનું નામ પ્રોજેક્ટ એક્સ રાખ્યું છે. આ પબ્લિસિટી સ્ટંટ દ્વારા હવે  જયંત સિગ્ગી ચર્ચામાં આવી ગયો છે. જોવાનું રહ્યું કે શાહરૂખ ખાન આ વ્યક્તિને મળે છે કે નહીં અને એની ફિલ્મ પર કામ કરે છે કે નહીં?

આ પણ વાંચો: હાર્ટ એટેકથી સાજા થયા બાદ Remo D’Souza એ કર્યું જિમ વર્કઆઉટ, જુઓ વાયરલ વીડિયો

આ પણ વાંચો: 16 જાન્યુઆરીથી દેશભરમાં શરૂ થશે Covid-19 રસીકરણ, કેન્દ્ર સરકારનો નિર્ણય