New Film: કેમેરા પર પોતાની એક્ટિંગનો સિક્કો જમાવનાર સલમાન ખાન હવે ડિરેક્શનમાં પોતાનું નસીબ અજમાવવા માટે તૈયાર
આ ફિલ્મનું શૂટિંગ આગામી તા. 6 મેથી શરૂ થશે. આ ફિલ્મનો સેટ સલમાનના પનવેલ ફાર્મ હાઉસમાં લગાવવામાં આવી શકે છે. આ ફિલ્મમાં સલમાન સાથે પૂજા હેગડે લીડ રોલ કરી રહી છે. આ પહેલીવાર હશે, જ્યારે આ બંને સ્ટાર્સ સ્ક્રીન પર સાથે જોવા મળશે.
તાજેતરમાં જ બોલિવુડના લોકપ્રિય અભિનેતા સલમાન ખાનની (Salman Khan) આગામી ફિલ્મ ‘કભી ઈદ કભી દિવાળી’ (Kabhi Eid Kabhi Diwali) વિશે ચોંકાવનારા સમાચાર સામે આવ્યા છે. પહેલા સાજીદ નડિયાદવાલા (Sajid Nadiadwala) આ ફિલ્મને પ્રોડ્યુસ કરવાના હતા, પરંતુ હવે આ ફિલ્મનું પ્રોડક્શન સલમાનની કંપની SKF એટલે કે સલમાને સંભાળ્યું છે. સાજિદ અને સલમાન ખાન ફિલ્મ સાથે જોડાયેલી તમામ બાબતો પર સહમત થઈ શક્યા ન હતા, તેથી સલમાને આ પ્રોજેક્ટ હાથમાં લીધો છે, પરંતુ આ દરમિયાન એક અન્ય આવા સમાચારે હંગામો મચાવ્યો છે જે સલમાનના ચાહકોને ખુશ કરી દેશે.
આ ફિલ્મનું નિર્દેશન સલમાન ખાન કરશે
બોલિવૂડ હંગામાના અહેવાલ અનુસાર હવે સલમાન માત્ર આ ફિલ્મને પ્રોડ્યુસ જ કરશે એવું નથી, પરંતુ આ ફિલ્મથી સલમાન ખાન એક ડાયરેક્ટર તરીકે પણ ડેબ્યૂ કરવા જઈ રહ્યો છે. કભી ઈદ કભી દિવાળી એ સલમાન ખાનના બહુપ્રતિક્ષિત પ્રોજેક્ટ્સમાંનો એક છે. આ ફિલ્મ વિશે ઘણા સમયથી ચર્ચા ચાલી રહી છે, પરંતુ વધુ ફિલ્મોના શૂટિંગમાં વ્યસ્ત સલમાન હવે આ ફિલ્મ પર કામ કરવા જઈ રહ્યો છે.
અત્યાર સુધી કેમેરા પર પોતાની એક્ટિંગનો સિક્કો જમાવનાર સલમાન હવે ડિરેક્શનમાં પોતાનું નસીબ અજમાવવા માટે તૈયાર છે, જો કે આ ફિલ્મ તે ફરહાદ સામજી સાથે ડિરેક્ટ કરશે. સલમાનના એક નિર્માતા મિત્રએ આ અંગે માહિતી આપી છે. દિગ્દર્શક તરીકે તેના ડેબ્યુને લઈને સલમાન તરફથી કોઈ સત્તાવાર જાહેરાત કરવામાં આવી નથી.
મે મહિનામાં શૂટિંગ શરૂ થશે
સૂત્રોના જણાવ્યા અનુસાર, આ ફિલ્મનું શૂટિંગ 6 મેથી શરૂ થશે. આ ફિલ્મમાં સલમાન સાથે પૂજા હેગડે લીડ રોલ કરી રહી છે. સલમાન ખાનની આગામી ફિલ્મોની વાત કરીએ તો તે ટૂંક સમયમાં જ ફિલ્મ ‘ટાઈગર-3’માં કેટરિના કૈફ સાથે જોવા મળશે. આ ફિલ્મને લઈને ચાહકો ખૂબ જ ઉત્સાહિત છે. સલમાન ખાન અને કેટરિના કૈફની જોડી ફરી એકવાર ફેન્સને પડદા પર જોવા મળશે. તે જ સમયે, સલમાન શાહરૂખ ખાન અને દીપિકા પાદુકોણની ફિલ્મ ‘પઠાણ’માં પણ એક ખાસ કેમિયો કરવા જઈ રહ્યો છે.