માધુરી દીક્ષિતના દીકરાએ નાની ઉંમરમાં કર્યું એવું કામ કે જાણીને બધા લોકો થઇ ગયા અચંબિત

માધુરી દીક્ષિત (Madhuri Dixit) બોલિવૂડની પ્રતિભાશાળી એક્ટ્રેસમાં ગણના કરવમાં આવે છે. માધુરી પ્રોફેશનલ લાઈફમાં જેટલી પરફેક્ટ છે એટલી જ પર્સનલ લાઈફમાં પણ તે અદભૂત છે. માધુરી સોશિયલ મીડિયામાં પણ ઘણી એક્ટિવ રહે છે. માધુરીએ તેના બાળકોને ખૂબ જ સારું જીવન આપ્યું છે અને તેમને સારા દિલના પણ બનાવ્યા છે. જેનો પુરાવો તમને તેના વીડિયો પરથી મળશે. વાસ્તવમાં માધુરીના પુત્ર રિયાને કેન્સર પીડિત લોકો માટે પોતાના વાળ દાન કર્યા છે.

માધુરીએ ઈન્સ્ટાગ્રામ પર રેયાનનો વીડિયો શેર કર્યો છે. જેમાં તમે જોશો કે રેયાનના વાળ ખૂબ લાંબા છે. પરંતુ તે આ વાળ કપાવી લે છે. આ પછી તેમના વાળ દાન માટે મોકલવામાં આવે છે.

વીડિયો શેર કરતાં માધુરીએ લખ્યું હતું કે, ‘બધા હીરો ટોપી નથી પહેરતા, પણ મારો હીરો પહેરે છે. રાષ્ટ્રીય કેન્સર દિવસ નિમિત્તે હું તમારી સાથે કંઈક ખાસ શેર કરવા માંગુ છું.

રિયાને જ્યારે પણ કેન્સરના દર્દીઓને કીમોથેરાપી સામે લડતા જોયા ત્યારે તે દુઃખી થઇ જતો હતો. રિયાનને તેના વાળ ખરતા જોઈને ખૂબ જ ખરાબ લાગ્યું હતું. આ પછી મારા પુત્રએ નક્કી કર્યું કે તે કેન્સર સોસાયટી માટે તેના વાળ દાન કરશે. અમે, માતા-પિતા તરીકે, રિયાનના નિર્ણય વિશે સાંભળીને ખૂબ પ્રભાવિત થયા છે.

View this post on Instagram

A post shared by Madhuri Dixit (@madhuridixitnene)

માધુરીએ જણાવ્યું કે રિયાને 2 વર્ષથી હેર કટ નથી કરાવ્યો કારણ કે તે તેના વાળ લાંબા કરીને ડોનેટ કરવા માંગતો હતો. ગાઇડલાઇન્સ  અનુસાર, રિયાનને એક લંબાઈ સુધી વાળ બનાવવાના હતા અને તેમાં તેને 2 વર્ષનો સમય લાગ્યો હતો. પછી આ અંતિમ પગલું હતું. આજે આપણે ગર્વથી ઉભા છીએ. માધુરીએ આ પોસ્ટમાં પતિ શ્રીરામ નેનેને પણ ટેગ કર્યા છે.

માધુરીની આ પોસ્ટ પર દરેક તેના પુત્રના વખાણ કરી રહ્યા છે. કેટલાક કોમેન્ટ કરી રહ્યા છે કે તમને તમારા પુત્ર પર ગર્વ છે તો કેટલાક માધુરીના સારા ઉછેરના વખાણ કરી રહ્યા છે. જ્યારે કેટલાકે રિયાનને સલામ કરી છે.

જણાવી દઈએ કે માધુરી અને શ્રીરામનો એક મોટો પુત્ર અરિન પણ છે જે હાલમાં યુનિવર્સિટી ઓફ સાઉથ કેલિફોર્નિયામાં અભ્યાસ કરી રહ્યો છે. તે આ વર્ષે યુએસ કોલેજમાં ગયો છે.

માધુરીએ બીજા દેશમાં પુત્રના અભ્યાસ પર કહ્યું હતું કે, હું વિશ્વાસ નથી કરી શકતી કે એક વર્ષ કેવી રીતે પસાર થઈ ગયું. અરીન 18 વર્ષનો છે. હું દરેક માતાની જેમ ચિંતિત છું કારણ કે તે બીજા દેશમાં જઈ રહી છે અને હવે તે પોતાનું સ્વતંત્ર જીવન કેવી રીતે જીવશે કારણ કે જ્યારે આપણે ભારતમાં મોટા થઈએ છીએ ત્યારે આપણે ખૂબ રક્ષણાત્મક અનુભવીએ છીએ. અમે અમારા માતાપિતા સાથે રહીએ છીએ, બધું જ બાળકો માટે કરવામાં આવે છે પછી તે રસોઈ હોય કે પછી બીજી બધું દરેક વસ્તુનું ધ્યાન રાખવામાં આવે છે. હવે તે બધું જાતે કરશે, જેની મને થોડી ચિંતા છે.

માધુરીની પ્રોફેશનલ લાઈફ વિશે વાત કરવામાં આવે તો તે છેલ્લે વર્ષ 2019માં રિલીઝ થયેલી ફિલ્મ કલંકમાં જોવા મળી હતી. આ પછી માધુરીની કોઈ નવી ફિલ્મ રિલીઝ થઈ નથી. જો કે આ પછી તે ડાન્સ દીવાને શોમાં જજ તરીકે જોવા મળી હતી.

આ પણ વાંચો : Attack on Iraq PM : ઇરાકના વડાપ્રધાન ડ્રોન હુમલામાં માંડ-માંડ બચ્યા પરંતુ દેશમાં વધ્યો તણાવ, જાણો શું છે હાલત

આ પણ વાંચો : Chhattisgarh: સુકમામાં CRPF જવાને પોતાના જ સાથીદારો પર ગોળીબાર કર્યો, 4ના મોત, 3 ઘાયલ