EDની પૂછપરછમાં જેકલીને કર્યા ઘણા મોટા ખુલાસા, ઠગ સુકેશે ગિફ્ટમાં આપી હતી બિલાડી
જેકલીન ફર્નાન્ડીઝ (Jacqueline Fernandez) પર 200 કરોડ રૂપિયાનો મની લોન્ડરિંગનો આરોપ છે. એન્ફોર્સમેન્ટ ડિરેક્ટોરેટ (ED) એ અભિનેત્રીની 7.27 કરોડ રૂપિયાની સંપત્તિ જપ્ત કરી છે. જેક્લિને ખુલાસો કર્યો કે તેને સુકેશ તરફથી ઘણી કિંમતી ભેટ મળી છે.
બોલિવૂડ (Bollywood) અભિનેત્રી જેકલીન ફર્નાન્ડીઝ (Jacqueline Fernandez) અનેક વિવાદાસ્પદ કારણોસર લાંબા સમયથી ચર્ચામાં છે. અભિનેત્રી સુકેશ ચંદ્રશેખર (Sukesh Chandrashekhar) સાથે સંબંધમાં હોવાની અફવા હતી, જેને તેણે પાછળથી નકારી કાઢી હતી. તાજેતરમાં, એન્ફોર્સમેન્ટ ડિરેક્ટોરેટ (ED) એ અભિનેત્રીની 7.27 કરોડ રૂપિયાની સંપત્તિ જપ્ત કરી છે. જેકલીન પર આરોપી ઠગ સુકેશ ચંદ્રકેશ પાસેથી કિંમતી ભેટ લેવાનો આરોપ છે. આ સાથે અભિનેત્રી રૂ. 200 કરોડના મની લોન્ડરિંગ કેસમાં EDના ચક્કર લગાવી રહી છે. EDની તપાસ દરમિયાન જાણવા મળ્યું હતું કે સુકેશ ચંદ્રકેશ જેકલીન પર પાણીની જેમ પૈસા ઉડાવતો હતો.
સૂત્રોના જણાવ્યા અનુસાર, સુકેશે જેકલીનને ઘણી મોંઘી ભેટ પણ આપી છે. જેમના વિશે સાંભળીને દરેકને આશ્ચર્ય થાય છે. સુકેશ તરફથી જેકલીનને આપવામાં આવેલી કિંમતી ભેટોમાં રૂપિયા 9 લાખની 2 બિલાડીઓ, 52 લાખની કિંમતનો ઘોડો અને હીરાના ઝવેરાતની સાથે અતિ કિંમતી ભેટોનો સમાવેશ થાય છે.
View this post on Instagram
ગયા વર્ષે EDએ સુકેશના કેસમાં કોર્ટમાં ચાર્જશીટ દાખલ કરી હતી. જેમાં જેકલીનને આપવામાં આવેલી મોંઘી ગિફ્ટનો પણ ઉલ્લેખ કરવામાં આવ્યો હતો. જે બાદ પૂછપરછ દરમિયાન સુકેશે જેકલીનને ગિફ્ટ આપ્યાની કબૂલાત પણ કરી હતી.
View this post on Instagram
આ સાથે, જેકલીનની પૂછપરછ દરમિયાન અભિનેત્રીએ જણાવ્યું કે સુકેશ તેના કાકાના મૃત્યુથી ખૂબ જ દુઃખી હતો. જે બાદ તેણે મને ચેન્નાઈમાં અંતિમ સંસ્કારમાં સામેલ થવા માટે બોલાવી હતી. જ્યાં તેણે જેકલીનને મુંબઈથી ચેન્નાઈ બોલાવવા માટે પ્રાઈવેટ જેટની વ્યવસ્થા કરી હતી. આગળ, જેક્લિને જણાવ્યું કે સુકેશે અભિનેત્રીને એરપોર્ટ પર રિસીવ કરવા માટે તેના આસિસ્ટન્ટને મોકલ્યો હતો.
સુકેશની બદલે આસિસ્ટન્ટને એરપોર્ટ પર મોકલવામાં આવ્યો હતો
જેક્લિને EDને આપેલા પોતાના નિવેદનમાં વધુમાં જણાવ્યું હતું કે, તે બીજી વખત સુકેશને મળી હતી. પહેલીવાર સુકેશ તેને મળવા પણ ન પહોંચ્યો. બીજી વખત જ્યારે તે ચેન્નાઈથી પરત આવી રહી હતી ત્યારે તેઓ બંને મળ્યા હતા.
View this post on Instagram
જેકલીને સુકેશ પાસેથી મળેલી કાર સ્વીકારી ન હતી
EDના સવાલો વચ્ચે જેકલીને એ પણ ખુલાસો કર્યો કે તેને સુકેશ પાસેથી મિની કૂપર પણ મળી હતી. પરંતુ, તેણે કારને પરત કરી દીધી હતી. જ્યારે, જેકલીનને Gucci બ્રાન્ડની અતિ કિંમતી ભેટ, ત્રણ ડિઝાઈનર બેગ, બે Gucci આઉટફિટ્સ, લૂઈ વીટન શૂઝ અને હીરાની બુટ્ટી પણ મળી હતી.
Latest News Updates
