Indian Idol 12: સવાઈ ભાટનું પરફોર્મેન્સ જોયા બાદ પિતા રમેશની આંખમાંથી છલકાયા આંસુ, પાઘડી ઉતારીને દીકરાને કરી ભેટ
સવાઈ ભાટના પરફોર્મેન્સથી તેમના પિતા જ નહીં પરંતુ બધા જ્જ પણ ખૂબ પ્રભાવિત થયા હતા અને તેમણે ખુબજ ઇન્ડિયન આઇડલ 12 ના આ બહેતરીન સ્પર્ધકની ભારે પ્રશંસા કરી હતી.
Indian Idol 12: સોની એન્ટરટેઈનમેન્ટ ટેલિવિઝનનો શો ‘ઇન્ડિયન આઇડલ સીઝન 12’ (Indian Idol 12) આ વિકેન્ડ ફાધર્સ ડે (Father’s Day) સ્પેશિયલ એપિસોડની ઉજવણી કરવા જઇ રહ્યો છે. આ વિશેષ એપિસોડમાં, ટોચનાં 8 સ્પર્ધકો પોતપોતાના પિતા માટે કેટલાક મધુર ગીતો રજૂ કરશે.
આ એપિસોડ ભાવનાઓ અને આંસુથી ભરેલો હશે, જ્યાં સ્પર્ધકો અને તેમના પિતા તે જણાવશે કે કેમ તેમના જીવનમાં એકબીજાની હાજરી તેમની શક્તિ અને પ્રેરણાનો સ્ત્રોત રહ્યો છે. આ એપિસોડ રાજસ્થાનથી આવેલા સવાઈ ભાટ (Sawai Bhatt) માટે પણ ખૂબ ભાવનાત્મક બનશે.
આવનારા એપિસોડમાં સવાઈ ભટ ‘બાગબાન’ નું ટાઇટલ ટ્રેક ગાશે. સવાઈના આ શાનદાર પ્રદર્શનને જોઇને તેમના પિતા ખૂબ જ ભાવુક થતા જોવા મળશે અને પછી કંઈક એવું બનશે, જેને જોઈને સવાઈ પણ આશ્ચર્યચકિત થઈ જશે. સવાઈ હંમેશાં પોતાની પ્રતિભાથી પ્રેક્ષકોનું મન મોહી લે છે. આ એપિસોડમાં સવાઈના પરફોર્મેન્સ પછી, તેમના પિતાએ તેમના પુત્રની પ્રશંસામાં થોડા શબ્દો કહ્યા. પુત્રની પ્રશંસા કરતી વખતે તે ખૂબ ભાવુક થઈ ગયા. તેમણે એમ પણ કહ્યું હતું કે સવાઇના પિતા હોવાનો તેમને ગર્વ છે.
પિતાએ આપી સવાઈને ખાસ ભેટ
સવાઈના પિતા રમેશ ભાટ એ કહ્યું, “એક પિતા તરીકે મેં ક્યારેય સવાઈને સમજવાની કોશિશ નથી કરી. મેં ક્યારેય તેની પ્રતિભામાં તેને સપોર્ટ નથી કર્યો. મેં હંમેશાં વિચાર્યું કે તે કંઇ કરી રહ્યો નથી, ફક્ત ગીતો ગાઇ રહ્યો છે, પરંતુ આજે હું મારા પુત્રની વિશ્વભરમાં લોકપ્રિયતા જોઈને ખૂબ જ ગર્વ અનુભવું છું. તેમની મહેનત અને ઈચ્છાશક્તિના સન્માનમાં હું તેમને પાઘડી આપવા માગું છું. ”
પિતાનો પ્રેમ જોઈને પોતાની લાગણી વ્યક્ત કરતાં સવાઈ ભાટે કહ્યું કે, હું મારા પિતાનો ખૂબ આદર કરું છું અને મારે પાઘડી નહીં પણ તેમના આશીર્વાદ જોઈએ છે. મને લાગે છે કે તેમના ચહેરા પરનું સ્મિત અને ગર્વ મને ખુશ કરવા માટે ઘણું છે. હું અહીં હાજર તમામ લોકોનો આભારી છું, જેમણે મને મારી ગાયકી પ્રતિભા પ્રદર્શિત કરવાની તક આપી. હું હંમેશા મારા પિતાને ગૌરવ મહેસુસ કરાવતો રહીશ.”
સવાઈ ભાટના પરફોર્મેન્સથી તેમના પિતા જ નહીં પરંતુ બધા જ્જ પણ ખૂબ પ્રભાવિત થયા હતા અને તેમણે ઇન્ડિયન આઇડલ 12 ના આ બહેતરીન સ્પર્ધકની ભારે પ્રશંસા કરી હતી. સવાઈએ શોમાં તેમના લોકગીતના અનુભવને બાંધી રાખ્યો છે અને આજ કારણે તેમની ગાયકી પર તમામ ફિદા છે.