The Kapil Sharma Showની વધી મુશ્કેલી, એક એપિસોડને લઇને વિવાદ બાદ FIR નોંઘાઈ
જાણીતા હાસ્ય કલાકાર કપિલ શર્મા, ટેલિવિઝનમાં ધ કપિલ શર્મા શો હોસ્ટ કરી રહ્યા છે. તેના આ શોમાં, કલાકારોને કોર્ટરૂમના દ્રશ્યો કરતી વખતે સ્ટેજ પર દારૂ પીતા બતાવવામાં આવ્યા હતા. ફરિયાદીએ આરોપ લગાવ્યો હતો કે કલાકારોએ કોર્ટનું અપમાન કર્યું છે.
ધ કપિલ શર્મા શોના (The Kapil Sharma Show) નિર્માતાઓ હવે મુશ્કેલીમાં મુકાયા છે કારણ કે તેમની વિરુદ્ધ મધ્યપ્રદેશના (Madhya Pradesh) શિવપુરીની જિલ્લા અદાલતમાં FIR દાખલ કરવામાં આવી છે. સોની ટીવીના (Sony TV) શોના એક એપિસોડ સામે ફરિયાદ દાખલ કરવામાં આવી હતી. જ્યાં કલાકારોને કોર્ટરૂમના દ્રશ્યો કરતી વખતે સ્ટેજ પર દારૂ પીતા બતાવવામાં આવ્યા હતા. ફરિયાદીએ આરોપ લગાવ્યો હતો કે કલાકારોએ કોર્ટનું અપમાન કર્યું છે.
શિવપુરીના વકીલે CJM કોર્ટમાં FIR નોંધાવી છે. આ મામલે 1 ઓક્ટોબરે સુનાવણી થશે. વકીલે કહ્યું, “સોની ટીવી પર પ્રસારિત થતો કપિલ શર્મા શો ખૂબ જ કુટિલ છે. તેઓ મહિલાઓ પર અભદ્ર ટિપ્પણીઓ પણ કરે છે. એક એપિસોડમાં, સ્ટેજ પર કોર્ટની સ્થાપના કરવામાં આવી હતી અને કલાકારો જાહેરમાં દારૂ પીતા જોવા મળ્યા હતા. આ કોર્ટની અવમાનના છે. એટલા માટે મેં કોર્ટમાં ગુનેગારો સામે કલમ 356/3 હેઠળ એફઆઈઆર નોંધવાની માંગ કરી છે. આવી શિથિલતા બંધ થવી જોઈએ.
આ મામલો 19 જાન્યુઆરી, 2020 ના રોજ પ્રસારિત એક એપિસોડના સંદર્ભમાં હતો અને 24 એપ્રિલ, 2021 ના રોજ ફરીથી પ્રસારિત થયો હતો. વકીલનો દાવો છે કે આ એપિસોડમાં કોર્ટરૂમમાં એક પાત્ર નશામાં હોવાનું દર્શાવવામાં આવ્યું છે. તેમના મતે, આનાથી કોર્ટની બદનામી થઈ છે.
હાસ્ય કલાકાર કપિલ શર્મા ધ કપિલ શર્મા શો હોસ્ટ કરી રહ્યા છે. કપિલ સિવાય આ શોમાં સુમોના ચક્રવર્તી, ભારતી સિંહ, કૃષ્ણ અભિષેક, સુદેશ લહેરી અને અર્ચના સિંહ પણ છે. લગભગ સાત મહિના સુધી ઓફ-એર રહ્યા પછી, TKSS એ 21 ઓગસ્ટના રોજ ટીવી સ્ક્રીન પર પુનરાગમન કર્યું. કપિલ શર્મા થોડા થોડા દિવસે વિવાદોમાં આવતો રહે છે. થોડા દિવસો પહેલા પણ કપિલે મીડિયા કર્મીઓ સાથે ગેરવર્તણૂંક કરી હતી જ્યાર બાદ તેની ખૂબ આલોચના થઇ હતી.
આ પણ વાંચો –
Paternity Leave : હવે બાળકના જન્મ બાદ સારા ઉછેર અને પત્નીની દેખભાળ માટે પતિને મળી રહી છે રજા, આ ભારતીય કંપનીએ કરી પહેલ
આ પણ વાંચો –
Bollywood News : મહાનાયક અમિતાભ બચ્ચનને પાન મસાલાની જાહેરાત ન કરવા તંબાકૂ વિરોધી જૂથોએ કરી અપીલ
આ પણ વાંચો –