‘સલમાન ખાનનો જીવ જોખમમાં’, સલમાન ખાનની સિક્યોરિટીમાં સૌથી મોટી ચેલેન્જ શું છે

બોડીગાર્ડ શેરા અભિનેતા સલમાન ખાનની લાઈફનો એક મહત્વનો ભાગ છે. તે 25 વર્ષથી વધારે સમયથી અભિનેતા સાથે તેનું રક્ષણ કરી રહ્યો છે. હવે બાબા સિદ્દીકીની હત્યા બાદ દબંગ ખાનની સિક્યોરિટી પણ વધારી દેવામાં આવી ગઈ છે. ત્યારે સોશિયલ મીડિયા પર શેરાનો એક જૂનો વીડિયો ખુબ વાયરલ થઈ રહ્યો છે. જેમાં તે પોતાના માલિક એટલે કે, સલમાન ખાન વિશે વાત કરતો જોવા મળી રહ્યો છે.

આ દરમિયાન તેમણે એ પણ કહ્યું કે, કઈ રીતે અભિનેતા સાથે તેની પહેલી મુલાકાત થઈ હતી અને ભીડવાળી જગ્યાએ અભિનેતાની રક્ષા કઈ રીતે કરે છે. શેરાએ કહ્યું સૌથી મોટો પડકાર તેના ચાહકો સામે હોય છે. તો ચાલો જાણીએ શેરાએ ઈન્ટરવ્યુમાં વધુ શું કહ્યું છે.

શેરાની સલમાન ખાન સાથે મુલાકાત

એએનઆઈ સાથે વાત કરતા શેરાએ કહ્યું કે, સલમાન ખાન જ તેનો માલિક છે. તે દરેક સમયે તેની સાથે ઉભો હોય છે. ત્યારબાદ શેરાએ કહ્યું કે, કેવી રીતે તેની સાથે મુલાકાત થઈ હતી. સૌથી પહેલા એક ઈવેન્ટમાં શેરાની સલમાન ખાન સાથે મુલાકાત થઈ હતી. આ દરમિયાન તેની કોઈ વાત થઈ ન હતી. ત્યારબાદ એક ઈવેન્ટમાં અર્પિતા ખાનને મળ્યો હતો. ત્યારબાદ સોહેલ ખાને શેરાને બોલાવ્યો અને કહ્યું સલમાન ખાન સાથે સિક્યોરિટી ઈન્ચાર્જ તરીકે કામ કરવાનું શરુ કર્યું હતુ.

સલમાન ખાનની સિક્યોરિટીમાં સૌથી મોટી ચેલેન્જ શું છે

શેરાએ કહ્યું કે,સલમાન ખાનની સિક્યોરિટીમાં સૌથી મોટો પડકાર ભીડ હોય છે કારણ કે, દરેક નાના માણસથી લઈ મોટી વ્યક્તિ તેને મળવા માંગતી હોય છે. આ દરમિયાન બધી વસ્તુ મેનેજ કરવાની હોય છે. ત્યારબાદ શેરાએ કહ્યું પહેલા ભાઈની જાનનો આટલો ખતરો ન હતો પરંતુ જેમ જેમ તેના ચાહકો વધતા ગયા તેમ તેમ તેની ફેન ફોલોઈંગ વધતી ગઈ અને તેની સિક્યોરિટી પણ વધારી દેવામાં આવી.