પહેલવાન થી લઈ ક્રિકેટર સુધી… ‘Peddi’ ફિલ્મમાં ધૂમ મચાવશે Ram Charan, ‘મુન્નાભૈયા’ પણ દેખાશે, Trailer જુઓ

સુપરસ્ટાર Ram Charan ફરી એકવાર મોટા પડદા પર ધમાકેદાર વાપસી કરવા તૈયાર છે. તેમની બહુચર્ચિત ફિલ્મ Peddiનું ટ્રેલર તાજેતરમાં રિલીઝ થયું છે અને દર્શકો તરફથી જબરદસ્ત પ્રતિસાદ મળી રહ્યો છે. ટ્રેલરમાં એક્શન, લાગણીઓ, રમતગમત અને દક્ષિણ ભારતીય સંસ્કૃતિનો સુંદર સમન્વય જોવા મળે છે, જેના કારણે ફિલ્મને લઈને ચાહકોમાં ઉત્સાહ વધુ વધી ગયો છે.

ફિલ્મમાં રામ ચરણ એક એવા પાત્રમાં નજરે પડે છે, જે વિવિધ રમતોમાં નિપુણ છે. ટ્રેલરમાં તેઓ ક્યારેક કુસ્તીબાજ તરીકે તો ક્યારેક ક્રિકેટર તરીકે જોવા મળે છે. તેમની અલગ અલગ લુક અને એનર્જીએ ચાહકોને ખાસ પ્રભાવિત કર્યા છે. લગભગ ત્રણ મિનિટના ટ્રેલરમાં આંધ્રપ્રદેશના વિજયનગરમની પૃષ્ઠભૂમિ સાથે એક પ્રેરણાદાયક અને ભાવનાત્મક સફર રજૂ કરવામાં આવી છે.

ફિલ્મમાં Janhvi Kapoor દક્ષિણ ભારતીય અંદાજમાં જોવા મળે છે અને તેમનો લુક સોશિયલ મીડિયા પર ચર્ચાનો વિષય બન્યો છે. સાથે જ Jagapathi Babu અને Shiva Rajkumar જેવા અનુભવી કલાકારો ટ્રેલરમાં મજબૂત હાજરી નોંધાવે છે.

ખાસ વાત એ છે કે વેબ સિરીઝ Mirzapurમાં ‘મુન્નાભૈયા’ તરીકે લોકપ્રિય બનેલા Divyenndu Sharma પણ આ ફિલ્મથી દક્ષિણ સિનેમામાં એન્ટ્રી કરી રહ્યા છે. ટ્રેલરમાં તેમનો અનોખો અંદાજ અને સંવાદ બોલવાની સ્ટાઇલ ફરી એકવાર દર્શકોને ગમી રહી છે.

ફિલ્મનું સંગીત પ્રખ્યાત સંગીતકાર A. R. Rahmanએ આપ્યું છે. ફિલ્મના ગીતોને પહેલેથી જ સારો પ્રતિસાદ મળી રહ્યો છે. Buchi Babu Sana દ્વારા લખાયેલી અને દિગ્દર્શિત આ ફિલ્મનો ગ્રાન્ડ પ્રીમિયર 3 જૂનના રોજ યોજાશે, જ્યારે ફિલ્મ 4 જૂન, 2026થી વિશ્વભરના સિનેમાઘરોમાં રિલીઝ થશે.

TMKOC : શું 18 વર્ષ બાદ ‘તારક મહેતા કા ઉલ્ટા ચશ્મા’ શો છોડી રહ્યા છે ‘બાપુજી’!