‘મેં રહૂં યા ના રહૂં, યહ દેશ રહેના ચાહીએ’… અટલજીનું જીવન મોટા પડદા પર બતાવશે પંકજ ત્રિપાઠી
ભારતના પૂર્વ વડાપ્રધાનની બાયોપિકમાં બોલિવૂડ એક્ટર પંકજ ત્રિપાઠી (Pankaj Tripathi) તેમની ભૂમિકા ભજવશે. આ ફિલ્મમાં તેમનું અંગત અને રાજકીય જીવન બતાવવામાં આવશે.
પંકજ ત્રિપાઠી હિન્દી સિનેમાના એવા કલાકાર છે જેમણે પોતાની એક્ટિંગથી લોકોના દિલમાં એક અલગ જ સ્થાન બનાવ્યું છે. તે હંમેશા પોતાના પાત્રથી લોકોને પ્રભાવિત કરે છે. હવે ફરી એકવાર એક્ટર બિગ બેંગ ફિલ્મ લઈને આવી રહ્યા છે. ફિલ્મનું ટાઈટલ છે – મેં રહૂં યા ના રહૂં, યહ દેશ રહેના ચાહીએ – અટલ. આના પરથી તમે અનુમાન લગાવી શકાય છે કે આ ફિલ્મ અટલ બિહારી વાજપેયી પર આધારિત છે. તમને જણાવી દઈએ કે આ ભારતના પૂર્વ વડાપ્રધાનની બાયોપિક છે.
‘મેં રહૂં યા ના રહૂં, યહ દેશ રહેના ચાહીએ’… પૂર્વ વડાપ્રધાન અટલ બિહારી વાજપેયીનું આ સપનું હતું. જેને ઈન્ડસ્ટ્રીએ મોટા પડદા પર લાવવાની જવાબદારી લીધી છે. નિર્દેશક રવિ જાધવ ટૂંક સમયમાં એનપીના પુસ્તક ‘ધ અનટોલ્ડ વાજપેયીઃ પોલિટિશિયન એન્ડ પેરાડોક્સ’ પર આધારિત આ ફિલ્મ બનાવવા જઈ રહ્યા છે. પરંતુ રસપ્રદ વાત એ છે કે ભારતના પૂર્વ વડાપ્રધાનની બાયોપિકમાં બોલિવૂડ એક્ટર પંકજ ત્રિપાઠી પોતાનો રોલ નિભાવવા જઈ રહ્યા છે. તેના આ પાત્રને જોવા માટે ફેન્સ પણ ખૂબ જ ઉત્સાહિત છે. મેકર્સે શુક્રવારે આની ઓફિશિયલ જાહેરાત કરવામાં આવી છે.
View this post on Instagram
અંગત અને રાજકીય જીવન પર આધારિત છે આ ફિલ્મ
તમને જણાવી દઈએ કે આ ફિલ્મમાં અટલ બિહારી વાજપેયીના અંગત અને રાજકીય જીવનને બતાવવામાં આવશે. અટલજી ભારતીય રાજનીતિના એવા નેતામાંથી એક હતા, જેમણે દેશની રાજનીતિને ઘણી હદ સુધી પ્રભાવિત કરી હતી. એટલું જ નહીં, તેમની સમજશક્તિ અને બોલવાની શૈલી તેમના મિત્રોને જ નહીં, પરંતુ તેમના રાજકીય હરીફોને પણ પસંદ આવતી હતી.
આ ફિલ્મોએ બનાવ્યા સ્ટાર
પંકજ ત્રિપાઠીના વર્કફ્રન્ટની વાત કરીએ તો પંકજે પોતાની શાનદાર એક્ટિંગથી બધાના દિલ જીતી લીધા છે. ગેંગ્સ ઓફ વાસેપુર, ક્રિમિનલ જસ્ટિસ, મિર્ઝાપુર જેવી વેબ સિરીઝ સિવાય મસાન, કાગઝ, મિમિ જેવી ઘણી ફિલ્મોમાં તેને શાનદાર એક્ટિંગ કરી છે. હાલમાં એક્ટર ઘણી ફિલ્મો અને વેબ સિરીઝમાં સતત વ્યસ્ત છે.